“Elite polo club” çempion oldu

Olimpiya dünyası

Bugün, 12:58

“Sea breeze” istirahət mərkəzində təşkil olunmuş çimərlik polosu üzrə beynəlxalq turnirdə “Elite polo club” qızıl medala layi görülüb.

Olimpnews.az Azərbaycan Atçılıq Federasiyasının mətbuat xidmətinə istinadən xəbər verir ki, fəxri mükafata sahib olmaq üçün komandamız son oyunda İsveçrənin “Sankt Moritz” klubundan üstün olmalı idi. Görüşün sonunda Elçin Camallı oyunun son nəticəsini qeyd edib - 6:4.

3-cü yer uğrunda oyunda Böyük Britaniyanın “Red Star” klubu Rusiyanın “Moscow polo club”una heç bir şans verməyib-9:5.

Mükafatlandırma mərasimində hakimlərə “Doğru oyun“ medalı verilib. Rusiya təmsilçisi İvan Romanovski ən yaxşı komanda rəhbəri, Raul Laplaset isə ən yaxşı oyunçu seçilib.

Komandalara gəldikdə 4-cü yerin sahibi “Moscow polo club”a iştirak medalı və sertifikat təqdim olunub. “Red Star”, “Sankt Moritz” və “Elite polo club” turnirin müvafiq olaraq bürünc, gümüş və qızıl medalları ilə mükafatlandırılıblar.

Turnirin kubokunu “Elite polo club”a Azərbaycan Resbublikası Atçılıq Federasiyasının Prezidenti Elçin Quliyev, Azərbaycan Respublikası Gənclər və İdman Naziri Fərid Qayıbov və “World polo” şirkətinin Prezidenti Reto Qaudenzi təqdim ediblər.