Uğur estafeti davam edir - “Judo Club 2012” zirvədə

BOK

07.03.2025, 14:01

Son illərdə Azərbaycan cüdosu sürətli tərəqqi yolunda inamla irəliləyir. İdmançılarımız beynəlxalq arenalarda uğurla çıxış edərək qələbə ənənələrini davam etdirir, Azərbaycan cüdosunun nüfuzunu daha da yüksəldirlər. İdmançılarımızın mötəbər turnirlərdə qazandıqları medallar və sərgilədikləri peşəkarlıq ölkəmizdə bu idman növünə olan marağı daha da artırır. Bu gün gənc və perspektivli cüdoçuların yetişdirilməsi, müasir məşq metodlarının tətbiqində paytaxtın ən müasir idman klublarından biri olan “Judo club 2012”nin də özünəməxsusu sanballı payı var. 2025-ci ilə parlaq qələbələrlə başlayan klubun üzvləri uğur estafetini layiqincə davam etdirirlər. Belə ki, martın 6-da keçirilən kişilər arasında ACF Turunun birinci yarışında “Judo Club 2012”nin idmançıları 2 qızıl, 2 gümüş və 1 bürünc medal qazanaraq tatamidə favorit olduqlarını bir daha təsdiq ediblər. Hövsan qəsəbəsində yerləşən Fövqəladə Hallar Nazirliyinin İdman Sağlamlıq Mərkəzində təşkil olunan turnirdə İbrahim Əliyev (-73 kq) və Məmmədrza Hacızadə (-90 kq) bütün rəqiblərinə qalib gələrək qızıl medallara layiq görülüblər. Şamil Qasımov (-100 kq) və Qurban Məmmədli (+100 kq) gümüş, Rüfət Şövlətov (-73 kq) isə bürünc medala sahib olub. “Judo Club 2012” klubu 5 medalla ümumi komanda hesabında birinci yeri tutaraq zirvədəki yerini qoruyub. Xatırladaq ki, klubun idmançıları ilin əvvəlindən yeniyetmə və gənclərin Bakı və ölkə birinciliklərində, Belçika açıq cüdo turnirində, Slovakianın Samorin şəhərində keçirilən yeniyetmələrin Avropa Kubokunda müxtəlif çəki dərəcələrində yüksək nəticələr əldə edərək medallar qazanıblar. Bu mötəbər turnirlərdə nümayiş etdirdikləri peşəkarlıq və qələbə əzmi, “Judo Club 2012” idmançılarının yüksək hazırlıq səviyyəsinin göstəricisidir. Qazanılan bu uğurların təməlində ölkə rəhbərliyinin idmana və idmançılara diqqət və qayğısı, Azərbaycan Cüdo Federasiyasının (ACF) klubla olan sıx əməkdaşlığı mühüm rol oynayır. Klubun dinamik, davamlı inkişafında onun təsisçisi, Azərbaycan Cüdo Federasiyası İcraiyyə Komitəsinin üzvü, Azərbaycan Cüdo Veteranları Assosiasiyasının prezidenti, cüdo üzrə veteranlar arasında dünya və Avropa çempionatlarının dəfələrlə qalib və mükafatçısı Azər Əsgərovun xüsusi xidmətləri var. Onun cüdoya olan sevgisi, idmançılara daim göstərdiyi dəstək və peşəkar yanaşması sayəsində klubun cüdoçuları mühüm uğurlar qazanmağa davam edirlər. Son yarışlarda əldə olunan qızıl, gümüş və bürünc medallar klubun inkişaf strategiyasının, sistemli məşqlərin və peşəkar heyətin zəhmətinin nəticəsidir. Klubun icraçı direktoru, Olimpiya dərəcəli hakim, Fariz Hüseynovun, klubun oğlanlardan ibarət baş məşqçisi İlqar Müşkiyevin, qızlardan ibarət baş məşqçi Kifayət Qasımovanın idmançılara göstərdikləri dəstək və motivasiya “Judo Club 2012”nin uğurlarında mühüm rol oynayır. Bu qələbələr təkcə bu günün nailiyyətləri deyil, həm də gələcək böyük uğurların təməlidir. Klubun idmançıları hər turnirdə öz güclərini sübut edərək, qarşıya qoyulan hədəflərə doğru inamla irəliləyirlər. “Judo Club 2012” təkcə medallar qazanan bir komanda deyil, eyni zamanda gənc cüdoçular üçün uğur yolunu açan bir məktəbdir!

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR