Milli Olimpiya Komitəsi federasiyalar üçün seminar təşkil etdi

Olimpizm xəbərləri

17.03.2025, 15:06

Martın 17-də Milli Olimpiya Komitəsinin (MOK) inzibati binasında Olimpiya idman növləri üzrə federasiyalar üçün sosial media və marketinq ilə bağlı seminar keçirilib.

Seminarda Milli Olimpiya Komitəsinin mətbuat katibi, “Olimpiya dünyası” qəzetinin baş redaktoru Murad Fərzəliyev, MOK-un marketinq şöbəsinin müdiri Səkinə Vəliyeva, DMS Azərbaycan şirkətinin icraçı direktoru Zərxanım Ağayeva, sosial media və marketinq meneceri Səadət Mürsəliyeva və federasiya nümayəndələri iştirak ediblər.

Seminarı giriş sözü ilə açan MOK-un marketinq şöbəsinin müdiri Səkinə Vəliyeva tədbir iştirakçılarını salamlayaraq, federasiya nümayəndələri üçün təşkil olunan seminarın əhəmiyyətindən danışıb. O, “Paris-2024 Olimpiadası, hədəf və nəticələr” barədə çıxış edərək, Paris-2024-də MOK-un sosial media fəaliyyəti, qarşıdan gələn Avropa Gənclər Yay və Qış Olimpiya festivalları, VI İslam Həmrəyliyi Oyunları və Los-Anceles-2028 Yay Olimpiya Oyunları barədə də məlumat verib.

Milli Olimpiya Komitəsinin mətbuat katibi Murad Fərzəliyev “MOK-un kütləvi media layihələri” barədə danışıb. Bildirib ki, istənilən informasiyanın hazırlanması və yayımlanması böyük məsuliyyət tələb edir. O, qeyd edib ki, MOK-un informasiya strategiyasında sosial şəbəkə və KİV-lərlə yanaşı, federasiyaların mətbuat xidmətləri ilə də qarşılıqlı və işgüzar əlaqələrin yaradılmasına xüsusi önəm verilir. Murad Fərzəliyev, həmiçinin MOK-un təsis etdiyi “Olimpiya dünyası” qəzeti, “Olimpə doğru” jurnalı, Olimpiyadunyasi.com onlayn gündəlik qəzeti, olimpnews.az saytı və MOK-un rəsmi veb saytı olan olympic.az haqqında ümumi məlumat verib.

DMS Azərbaycan şirkətinin nümayəndələri Zərxanım Ağayeva və Səadət Mürsəliyeva “instaqram və marketinq üzrə məsləhətlər və tövsiyələr” barədə danışıblar.

Seminar çıxışlardan sonra sual-cavab mərhələsi ilə davam edib.

Dİgər xəbərlər

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

16.02.2026, 17:56

Niderlandlı idmançılar ilk iki yeri əldən vermədilər

SON XƏBƏRLƏR

BÜTÜN XƏBƏRLƏR