"Böyük dəbilqə": Astanada daha iki cüdoçumuz mübarizəyə başlayır

$\"Böyük dəbilqə\": Astanada daha iki cüdoçumuz mübarizəyə başlayır$

Cüdo

Bugün, 10:23

Qazaxıstanın paytaxtı Astanada keçirilən cüdo üzrə "Böyük Dəbilqə" turniri davam edir.

Olimpnews.az xəbər verir ki, bu gün Azərbaycan komandasının daha iki üzvü tatami üzərinə çıxacaq.

Təmsilçilərimizdən Rəşid Məmmədəliyev (-73 kq) mübarizəyə 1/8 finaldan başlayacaq. Onun ilk rəqibi Yersultan Duysenxan (Qazaxıstan) / Arun Kumar (Hindistan) cütünün qalibi olacaq.

Komandamızın digər üzvü Südabə Ağayeva (-70 kq) isə 1/8 final mərhələsində almaniyalı Miriam Butkereytlə qarşılaşacaq. Təsnifat mərhələsinin görüşləri Bakı vaxtı ilə saat 11:00-da, final bloku isə 16:00-da başlayacaq.

Qeyd edək ki, mayın 10-dək davam edəcək turnirdə Azərbaycan komandası 7 çəki dərəcəsində 11 (6 kişi, 5 qadın) cüdoçu ilə təmsil olunur.