Bakıda kişi və qadın boksçular arasında keçirilən “Böyük İpək Yolu” beynəlxalq turnirinə start verilib. Azərbaycan Boks Federasiyasının mətbuat xidmətindən verilən məlumata görə, yarışa ev sahibliyi edən Boks Mərkəzində ilk gün 1/8 final mərhələsi ilə yadda qalıb. Bu mərhələdə ümumilikdə 24 döyüş keçirilib.

Azərbaycan millisinin kişi boksçuları ilk yarış günündə uğurlu çıxışları ilə yadda qalıblar. Onlardan beşi 1/4 final mərhələsinə vəsiqə qazanaraq növbəti mərhələdə mübarizəni davam etdirmək hüququ əldə ediblər.

Turnirin ikinci günündə qadın boksçular da rinqə çıxacaq. Qarşılaşmalar saat 14:00-da start götürəcək.

Qeyd edək ki, beynəlxalq turnirdə 9 ölkənin milli komandası təmsil olunur. Boks bayramı kimi dəyərləndirilən yarışın qalibləri aprelin 15-də müəyyənləşəcək.

View this post on Instagram

A post shared by Baki Tekstil Fabriki MMC (@btf.az)