Bu gündən etibarən Bakıda boks üzrə kadetlər arasında zona birinciliyinin final mərhələsinə start verilir. Yarışlar Azərbaycan Boks Federasiyasının təşkilatçılığı ilə Bakı Boks Mərkəzində keçiriləcək.

Turnirdə ölkənin müxtəlif bölgələrini təmsil edən 50 komandanın tərkibində ümumilikdə 153 gənc boksçu rinqə çıxaraq güclərini sınayacaq. Qaliblər 17 fərqli çəki dərəcəsində müəyyənləşdiriləcək.

Final mərhələsinin ilk döyüşləri saat 15:00-da başlayacaq. Ənənəyə uyğun olaraq, qarşılaşmalardan öncə iştirakçı komandaların paradı keçiriləcək. Turnirin yekun mərhələsi aprelin 26-da başa çatacaq.

Bu mərhələ çərçivəsində qız boksçular arasında da seçim xarakterli turnir təşkil olunacaq. Gənc xanım boksçular arasından 30 nəfər yarışda qüvvəsini sınayacaq.

Qeyd edək ki, yarışın baş hakimi Anar Babanlı olacaq.

View this post on Instagram

A post shared by Baki Tekstil Fabriki MMC (@btf.az)