OLİMPİYA DÜNYASİ
III MDB Oyunlarının açılış və bağlanış mərasimləri Gəncə şəhər stadionunda keçiriləcək
Azərbaycanda təşkil olunacaq III MDB Oyunlarının açılış və bağlanış mərasimlərinin keçiriləcəyi məkan açıqlanıb. Oyunlara dair keçirilmiş mətbuat konfransında məlumat verən Bakı Şəhər Halqası Əməliyyat Şirkətinin milli mətbuat katibi Arzu Hüseynova bildirib ki, turnirin açılış mərasimi 28 sentyabrda, bağlanış tədbiri isə 8 oktyabrda Gəncə şəhər stadionunda təşkil olunacaq.
O, həmçin multi-idman tədbirində təxminən 5500 idmançı və nümayəndə heyətinin iştirak edəcəyinin proqnozlaşdırıldığını bildirib.
Qeyd edək ki, III MDB Oyunları Gəncə ilə yanaşı, Yevlax, Mingəçevir, Qəbələ, Şəki, Göygöl və Xankəndi şəhərlərində də təşkil olunacaq. Proqramda 23 idman növü üzrə yarışların keçirilməsi nəzərdə tutulur.
Paylaş :
