Bakı-2015 I Avropa Oyunlarının sevimli maskotları - Ceyran və Nar on il sonra yenidən ictimaiyyətin diqqət mərkəzindədirlər.

Olimpnews.az xəbər verir ki, bu dəfə onlar nostalji hissləri oyatmaqla yanaşı, eyni zamanda texnologiya və idmanın vəhdətini simvolizə edən mühüm bir xəbərlə qayıdıblar.

Azərbaycan Respublikasının Milli Olimpiya Komitəsi, Avropa Olimpiya Komitələri ilə birgə, Olimpiya Həmrəyliyi və Türkiyə Milli Olimpiya Komitəsinin dəstəyi ilə Bakı 2015-in 10 illiyi münasibətilə “Süni intellekt və idman innovasiyaları” müsabiqəsini elan edib. Müsabiqənin məqsədi 2015-ci ildə keçirilmiş ilk Avropa Oyunlarının irsini yad etməklə yanaşı, süni intellektin imkanları vasitəsilə Avropa idmanının gələcəyini yenidən təsəvvür etməkdir.

12 iyun - 12 sentyabr 2025-ci il tarixlərini əhatə edən beynəlxalq müsabiqə süni intellekt alətləri ilə yaradılmış vizual kontent - video və ya foto əsərləri əhatə edir. Qalib seçimində aşağıdakı meyarlar əsas götürüləcək: mövzuya uyğunluq (20 bal), yaradıcılıq və orijinallıq (20 bal), süni intellekt alətlərindən istifadə səviyyəsi (20 bal), bədii və vizual təsir (15 bal), mesajın emosional təsiri (15 bal) və texniki keyfiyyət (10 bal).

Müsabiqədə yalnız 18 yaşdan yuxarı şəxslər iştirak edə bilər. Təqdim olunan əsərlərin maksimal uzunluğu 1 dəqiqə olmalıdır.

Müsabiqənin qalibləri dəyərli mükafatlarla təltif olunacaqlar. Beynəlxalq iştirakçılar arasında birinci yerin sahibi Bakı şəhərinə üç günlük səfərlə mükafatlandırılacaq, şəhər gəzintisi və müxtəlif idman obyektlərinə ekskursiya təşkil olunacaq. Azərbaycandan olan qalib isə İstanbul şəhərinə eyni formatda səfər hüququ qazanacaq. Rəsmi mükafatlandırma mərasimi 2025-ci ilin sentyabr ayında keçiriləcək.

Qeyd edək ki, iştirakçılar müsabiqə haqqında daha operativ məlumatları [email protected] və MOK-un sosial media hesablarından ala bilər.

View this post on Instagram

A post shared by Baki Tekstil Fabriki MMC (@btf.az)