İrina Kindzerska: “Arzu edirəm ki, Olimpiya Oyunlarının qələbə sevincini Cəbrayılda qeyd edim”

Olimpizm xəbərləri

24.11.2020, 16:34

Xəbər verdiyimiz kimi, bu yaxınlarda cüdo üzrə Azərbaycan milli komandası Çexiyanın paytaxtı Praqada təşkil olunan Avropa çempionatında 1-i qızıl, 1-i gümüş və 3-ü bürünc olmaqla 5 medala layiq görülüb. Millimiz bu nəticə ilə ümumi komanda hesabında 40 ölkə arasında 4-cü yeri tutub. Qitə çempionatında komandamıza medal qazandıran idmançılardan biri də ukraynalı milliləşdirilmiş cüdoçumuz İrina Kindzerska idi. Yarışın son günündə +78 kq çəki dərəcəsində ölkəmizə gümüş medal qazandıran ukraynalı cüdoçumuzla əlaqə saxladıq. COVİD-19 pandemiyası səbəbindən uzun fasilədən sonra ilk yarışına çıxan cüdoçumuz "Olimpiya dünyası” qəzeti ilə fikirlərini bölüşdü. "Uzun fasilədən sonra bu mənim ilk yarışım oldu. Düzdür, biraz həyəcanlı olsam da, özümə və hazırlığıma güvənirdim. Əlbəttə, çempionatı qızıl medal ilə başa vurmaq istəyirdim. Lakin qazandığım gümüş medal da mənim üçün çox əzizdir və bu nailiyyətimə görə çox şadam”, - deyə xanım cüdoçumuz qeyd etdi. Koronavirusun yaratdığı fasiləni özünü təkmilləşdirmək üçün bir mərhələ kimi qiymətləndirən cüdoçumuz, Avropa çempionatındakı səhvlərindən nəticə çıxararaq, daha çox çalışmalı olduğunu bildirdi: "Pandemiya ilə bağlı yarışlarda yaranan fasilə mövcud zədələrimi aradan qaldırmaq üçün mənə imkan yaratdı. Yarış zamanı yüksək əhval-ruhiyyədə idim və özümü çox yaxşı hiss edirdim. Amma təəssüf ki, mənim kiçik bir diqqətsizliyim, qızıl medalı əldən verməyimə səbəb oldu. Nəticədə isə hansı məqamlara diqqət yetirməli və onları aradan qaldırmaq üçün daha çox çalışmalı olduğumu anladım. İndi bizim məşqlərimiz tam sürətlə davam edir. Mənim əsas məqsədim Olimpiya Oyunlarında yüksək nəticə əldə etməkdir”. Artıq bir neçə ildir ki, milli komandamızın üzvü olan idmançımız, Azərbaycanın İkinci Qarabağ müharibəsində əldə etdiyi qələbə ilə bağlı sevinc hisslərini də bizimlə bölüşdü: "Azərbaycanın qazandığı bu tarixi qələbə məni həqiqətən də sevindirdi. Həyat yoldaşımla birgə qələbə xəbərini eşidəndə çox kövrlədik. Bildiyiniz kimi, mənim həyat yoldaşım azərbaycanlıdır. O, mənə Azərbaycanın tarixi, əzəli torpaqları, həmçinin doğulduğu Cəbrayıl rayonu barədə çox məlumat verib. Mən bu qələbə münasibəti ilə bütün Azərbaycan xalqını ürəkdən təbrik edirəm və Azərbaycanın günü-gündən daha da çiçəklənəcəyinə inanıram. Arzu edirəm ki, Olimpiya Oyunlarının qələbə sevincini Cəbrayılda qeyd edim”. İrina xanımın azərbaycanlı həyat yoldaşı keçmiş idmançı Həmid Əliyev də sevinc hisslərini dilə gətirdi: "Bir azərbaycanlı və Cəbrayıl sakini kimi qələbə xəbəri məni həddindən artıq çox sevindirdi. Doğma yurdumun illərdən sonra azad olunması, həmin yerə yenidən getmək imkanımın yaranması mənə sözlə ifadə edilməyəcək hisslər yaşatdı. 30 ildən sonra torpaqlarımızın düşmən tapdağından azad olunması münasibətlə doğma xalqımı səmiməqəlbdən təbrik edirəm. Bu qələbə Azərbaycanın güclü bir dövlət olduğunu bir daha sübut etdi. Qürbət ölkədə yaşasam da, ürəyim hər zaman Azərbaycanla döyünür. Azərbaycan Prezidenti İlham Əliyevin bütün müsahibələrini və xalqa müraciətlərini izləyirdim. Ali Baş Komandanın xalqa müraciətlərini izləyəndə, ölkəmizin belə bir lideri olduğu üçün fəxr hissləri keçirirdim. Ukraynada yaşamağıma baxmayaraq, müharibənin ilk günündən Azərbaycandakı vəziyyətlə yaxından maraqlanırdım. Həmçinin Ukraynadakı dostlarımla birgə Azərbaycana dəstək məqsədi ilə müxtəlif tədbirlər təşkil edirdik. Qeyd edim ki, ukraynalı tanışlarımın hər biri Qarabağın Azərbaycanın əzəli torpağı və bizim haqq yolunda olduğumuzu bilirdilər. Ümumiyyətlə, bu münaqişədə kimin haqq mübarizəsi apardığını və dədə-baba yurdunu işğaldan azad etmək üçün vuruşduğunu bilirdi. Dağlıq Qarabağ məsələsi Azərbaycanın ən yaralı yeri olub. Şükürlər olsun ki, bu məsələ xalqımızın qələbəsi ilə öz həll yolunu tapdı. İrinanın da qeyd etdiyi kimi, arzu edirəm ki, Olimpiya Oyunlarının medalını qazanıb, qələbə sevincini Cəbrayılda qeyd edək”.

Türkay Niftəliyeva

Dİgər xəbərlər

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

16.02.2026, 17:56

Niderlandlı idmançılar ilk iki yeri əldən vermədilər

SON XƏBƏRLƏR

BÜTÜN XƏBƏRLƏR