Su İdman Növləri Federasiyası SUP üzrə turnir keçirib

Olimpizm xəbərləri

Bugün, 19:14

Bakı şəhər Gənclər və İdman İdarəsi, Azərbaycan Su İdman Növləri Federasiyası (ASİNF) və “Windsurfing Baku” klubunun birgə təşkilatçılığı ilə Stand Up Paddleboarding (ayaqüstü avarlı lövhə) idmanı üzrə “Baku SUP Turniri” baş tutub. Bakı şəhərində, Şıxov çimərliyində, Veloparkla üzbəüz ərazidə təşkil edilən yarış həvəskar kişilər və qadınlar, eyni zamanda uşaqlar olmaqla, üç kateqoriya üzrə keçirilib.

Maraqlı və əyləncəli mübarizə şəraitində keçən turnirdə qaliblər diplom və medallarla mükafatlandırılıb. Həmçinin onlara SUP və kayak üzrə bir günlük dərslərdə ödənişsiz iştirak etmək şansı verilib.

Qeyd edək ki, turnirin keçirilməsində əsas məqsəd gənclər arasında SUP idman növünün daha geniş təbliğ olunması, bu sahəyə marağın artırılması və sağlam həyat tərzinin təşviq edilməsidir.

Yarışın texniki nəticələri:

Kişilər

I – Tair Salixov

II – Nail Ramazanov

III – Fərid Vəzirov

Qadınlar

I – Əsmər Qasımova

II – Gülzar Nəcəfli

III – Cəmilə Quliyeva

Uşaqlar

I – Mikayıl Məmmədzadə

II – Kamal Bəşirli