Futbol üzrə milli komandamız bu gün dünya çempionatının seçmə mərhələsi çərçivəsində növbəti oyununa çıxacaq. A qrupunda yer alan komandamız Belqraddakı Rayko Mitiç stadionunda Serbiya yığması ilə qarşılaşacaq. Bakı vaxtı ilə saat 22:45-də başlayacaq oyunu Belçikadan olan hakimlər briqadası idarə edəcək. Qarşılaşmanın baş hakimi Erik Lambrexts olacaq. Ona bu işdə Rien Vanizer və Jo De Vayrdt kömək edəcəklər. Dördüncü hakim funksiyasını isə Natan Verbumen yerinə yetirəcək. Matçın VAR hakimi Laurens Visser, onun köməkçisi Conatan Landot olacaq.
Xatırladaq ki, bu komandaların Bakıdakı oyununda Serbiya 2:1 hesabı ilə qalib gəlib. Hazırda 1 xalı olan Azərbaycan millisi sonuncu – beşinci pillədə qərarlaşıb. Serbiya isə 14 xalla hələlik qrup lideridir.
Millimiz qrup liderinə qarşı
![Millimiz qrup liderinə qarşı](https://olimpnews.az/uploads/img/posts/2021/10/12/Azerbaycan Serbiyajpg-1634025729.jpg)