Lerikdə bir qrup idman ictimaiyyətinin nümayəndəsi təltif edilib

Lerikdə bir qrup idman ictimaiyyətinin nümayəndəsi təltif edilib

Lerik Rayon İcra Hakimiyyətinin inzibati idarə binasında 5 mart - Bədən Tərbiyəsi və İdman Gününə həsr olunmuş rayonun idman ictimaiyyəti nümayəndələri ilə görüş keçirilib. Tədbiri giriş sözü ilə açan Lerik rayon Gənclər və İdman İdarəsinin rəisi Natiq İsaqov iştirakçıları salamlayaraq bildirib ki, 5 mart - Bədən Tərbiyəsi və İdman Günü Azərbaycan Respublikasının Prezidenti cənab İlham Əliyevin 2005-ci il 4 mart tarixli Sərəncamı əsasında təsis edilib. 1995-ci il martın 5-də ulu öndər Heydər Əliyev Bakı İdman Sarayında dünya və Avropa çempionatlarının qalibləri və mükafatçıları ilə görüşdən sonra ölkədə İdman Fondu yaradılıb, bədən tərbiyəsi və idmanın inkişafında yeni strategiyanın təməli qoyulub. Daha sonra Lerik Rayon İcra Hakimiyyəti başçısının səlahiyyətlərini icra edən Cəlil Baxşıyev idman mütəxəssislərini, idmançıları bayram münasibətilə təbrik edərək deyib: “Bədən tərbiyəsi və idman dövlətimiz üçün hər zaman ən mühüm sahələrdən biri olub. Dünya miqyasında idman ölkəsi kimi tanınan Azərbaycanın son 20 ildə qazandığı yüksək nəticələrin təməli ulu öndər Heydər Əliyev tərəfindən qoyulub, bu gün isə ölkə rəhbəri , Milli Olimpiya Komitəsinin prezidenti cənab İlham Əliyev tərəfindən uğurla aparılır. Qabaqcıl idman ölkələrinin sırasında Azərbaycan hazırda beynəlxalq Olimpiya Hərəkatının fəal üzvdür.
C.Baxşıyev çıxışın sonunda rayon idmançılarının qazandıqları uğurlardan söz açaraq, onlara gələcək fəaliyyətlərində uğurlar arzulayıb. Tədbirin sonunda rayonda bədən tərbiyəsi və idmanın təbliğində göstərdikləri fəallığa görə bir qrup idman ictimaiyyəti nümayəndəsi Lerik rayon Gənclər və idman İdarəsi tərəfindən fəxri fərmanlarla təltif edilib.