Üzgüçülük üzrə Dünya Kubokunda ikinci yarış gününə start verilib

Su idman növləri

Bugün, 10:38

Bakıda keçirilən üzgüçülük üzrə Dünya Kubokunda ikinci yarış gününə start verilib.

Su İdmanı Sarayında təşkil olunan yarışda idmançılar təsnifat mərhələsində müxtəlif məsafələrdə qüvvələrini sınayırlar.

Proqrama əsasən, bu gün kişilər arasında 50 metr məsafəyə arxasıüstə, 200 metr kompleks, 50 metr brass, 100 metr sərbəst, 200 metr batterflay və 1500 metr sərbəst üsulla üzmə yarışları keçirilir. Qadın idmançılar isə 200 metr sərbəst, 100 metr arxasıüstə, 50 metr batterflay və 100 metr brass üsullarında mübarizə aparırlar.

Turnirdə 44 ölkədən ümumilikdə 216 üzgüçü qüvvəsini sınayır.

Azərbaycanı yarışda 15 idmançı təmsil edir. Bunlar Ramil Vəlizadə, Abdurrəhman Rüstəmov, Səid Həmidov, Süleyman İsmayılzadə, Oqtay Hüseynov, Fərhad Şirməmmədli, Ramal Sadiqli, Amin Oruclu, Fatimə Alkərəmova, Məryəm Cavadova, Anastasiya Boborıkina, Anastasiya Qnusina, Mehri Abdurəhmanlı, Vlastilina Xasyanova və Yeqor Maynitskidir.

Qeyd edək ki, Dünya Kubokunun Bakı mərhələsinə oktyabrın 3-də yekun vurulacaq.