Qadın həndbolçulardan ibarət “Qarabağ” komandası Avropa Kubokunda III mərhələyə yüksəlib. II mərhələnin cavab oyununda Lüksemburqun "Differdanj" kollektivi ilə qarşılaşan təmsilçimiz 26:25 hesabı ilə qalib gəlib.
İlk matçda da rəqibini 27:24 hesabı ilə üstələyən "Qarabağ" növbəti mərhələyə vəsiqə qazanıb.
Qeyd edək ki, qarşılıqlı razılığa əsasən hər iki oyun Bakıda təşkil olunub. III mərhələnin görüşləri noyabrın 10-16-da keçiriləcək.
Avropa Kubokundakı digər təmsilçilərimiz “Kür" və “Azəryol” komandaları isə mübarizəni dayandırıblar. “Kür” Yunanıstanın “İonias" klubuna, “Azəryol” isə “Qaliçanka”ya (Ukrayna) məğlub olaraq turnirlə vidalaşıb.
