12:35 23-09-2024
566
Atletlər payız çempionatında bir araya gəliblər
Kros qaçışı üzrə Bakı şəhər payız çempionatının qalibləri müəyyənləşib.
Azərbaycan Atletika Federasiyasının mətbuat xidmətindənverilən məlumata görə, 2004 təvəllüdlü və böyük kişilər arasında 10 km məsafədə Elman Abışov finişə bütün rəqiblərindən daha tez çatıb. Seymur Hüseynov ikinci, Elmir Əsgərov üçüncü olub.
2009-2010-cu il təvəllüdlü oğlanlar arasında 2 km məsafəyə qaçışı Riad Abbaszadə qalib kimi tamamlayıb. Loğman İsrafilov ikinci, Əli Vəliyev üçüncü pilləni tutub. 2007-2008-ci il təvəllüdlü oğlanlar arasında 3 km məsafəyə qaçışın mükafatçıları Yaşar Əsgər, Ümüd Xudaverdiyev və Tural Atakişiyev olub.
2005-2006-cı il təvəllüdlü oğlanlar arasında 6 km məsafəyə qaçışda müvafiq olaraq, Tacəddin Fəzullayev, Mehdi Əkbərov və Səid Məmmədov fərqləniblər.
2004 təvəllüdlü və böyüklər arasında 6 km məsafəyə qaçış üzrə ilk pilləni Yuliya Belkova tutub. Fəridə Rzayeva ikinci, Liliya Smirnova üçüncü olub.
2007-2008-ci il təvəllüdlü qızlar arasında 2 km məsafəyə yarışda İlahə Quliyeva finişə hamıdan tez çatıb. Zəhra Cavadzadə ikinci, Fidan İslamova isə üçüncü yeri tutub.
2005-2006-cı il təvəllüdlü qızlar arasında 4 km məsafəyə qaçışda Milanə Xəlilova finişə birinci, Türkan İslamova isə ikinci çatıb.
2009-2010-cu il təvəllüdlü qızlar arasında 1 km məsafəyə yarışda finişə ilk çatan iştirakçı Nila Heydərova olub. Mələk Hüseynova ikinci, Gülçin Nağıyeva isə üçüncü pillədə qərarlaşıb.
Qeyd edək ki, yarış sentyabrın 21-də Bakı Dövlət Cıdır Meydanında Bakı Şəhər Gənclər və İdman İdarəsi və Azərbaycan Atletika Federasiyası tərəfindən təşkil olunub.
