Fevralın 7-14-də Çinin Harbin şəhərində IX Qış Asiya Oyunları keçiriləcək. Oyunlarda 34 ölkədən mindən çox idmançı 11 idman növü üzrə mübarizə aparacaq. Yanvarın 27-də Harbin şəhərində yeni təmirdən çıxmış Huaqi hotelinin açılış mərasimi olub. Media mərkəzinin də yerləşəcəyi hotel Atletlər kəndi kimi fəaliyyət göstərəcək. Hotel ərazisində həmçinin açılış və bağlanış mərasimləri də təşkil olunacaq.
2005-ci ildə inşa edilən Huagi hoteli 41 mərtəbədən və 625 otaqdan ibarətdir. Qış Asiya Oyunları zamanı Atletlər kəndində klinika da idmançılara və rəsmi qonaqlara tibbi xidmət göstərəcək. Atletlər kəndində həmçinin idman zalları, antidopinq test mərtəbəsi və dükanlar da nəzərdə tutulub.  
Fevralın 7-nə planlaşdırılan Oyunların açılış mərasimindən əvvəl buz üzərində hokkey, körlinq kimi digər idman növləri üzrə yarışlara start veriləcək. Açılış mərasimi ilə eyni gündə isə şort-trek konkisürmə üzrə yarışlar keçiriləcək.
Qeyd edək ki, Harbin şəhəri sayca üçüncü dəfə bu oyunlara ev sahibliyi edəcək. Şəhər Asiya Olimpiya İttifaqının 2023-cü il 8 iyul tarixində Tailandda təşkil olunan 42-ci Baş Assambleyasında yeganə namizəd kimi qəbul edilib.

View this post on Instagram

A post shared by Baki Tekstil Fabriki MMC (@btf.az)