Beynəlxalq Olimpiya Komitəsi (BOK) və TCL qlobal texnologiya şirkəti arasında 2032-ci ilə qədər uzunmüddətli tərəfdaşlıq müqaviləsi imzalanıb. 

Bu barədə Beynəlxalq Olimpiya Komitəsinin rəsmi saytında məlumat verilib. 

Bununla da TCL ev audiovizual avadanlıqlar və məişət avadanlıqları kateqoriyasında rəsmi Ümumdünya Olimpiya və Paralimpiya Tərəfdaşı olacaq. TCL məhsulları azarkeşlər və idmançılar üçün Olimpiya və Paralimpiya Oyunlarında rəqəmsal displeylərdən Olimpiya Kəndindəki məişət texnikasına qədər yeni təcrübələr qazandıracaq. Bu yeni tərəfdaşlıq vasitəsilə təşkilatlar həm də innovativ marketinq kampaniyaları vasitəsilə Olimpiya və Paralimpiya Oyunlarının sehrini bütün dünyada milyardlarla azarkeşə çatdırmaq üçün birlikdə çalışacaqlar. TCL Olimpiya Oyunlarında idmançılara yarışdan dərhal sonra bütün dünyada sevdikləri ilə əlaqə saxlamağa imkan verən “İdmançı Anları” təşəbbüsünü dəstəkləyəcək.

Mərasimdə çıxış edən Beynəlxalq Olimpiya Komitəsinin prezidenti Tomas Bax BOK-un televiziya və sənaye sahəsində dünya lideri olan TCL ilə yeni tərəfdaşlığını elan etməkdən məmnunluğunu bildirib. 

TCL-in təsisçisi və sədri Li Dongşeng isə Ümumdünya Olimpiya və Paralimpiya Tərəfdaşı olmaqdan şərəf duyduğunu və aparıcı qlobal texnologiya brendi olaraq, həmişə Olimpiya ruhuna dəstək olmağa çalışacağını bildirib.

View this post on Instagram

A post shared by Baki Tekstil Fabriki MMC (@btf.az)