Patimat Abakarova: “Ailəm və doğmalarım üçün çox darıxmışam”

BOK

11.06.2020, 17:09

Oxucuların marağını nəzərə alaraq, “Olimpiyadunyasi.com” və “olimpnews.az” saytı karantində olan idmançılarımızdan xəbər verməyə davam edir. Silsilə yazılarımızın budəfəki xanım qonağı taekvondo üzrə milli komandamızın üzvü Patimat Abakarovadır. Rio-2016 Olimpiadasının və birinci Avropa Oyunlarının bürünc mükafatçısı, Bakı-2017-nin qalibi, Avropa çempionatının gümüş medalçısı olan legioner idmançımız, karantin dövrünü Bakıda keçirdiyini bildirib. Taekvondoçumuzla hazırladığımız müsahibəni sizə təqdim edirik.

- Patimat, karantini necə keçirirsiniz?

- Karantini Bakıda tək keçirirəm. Ailəm hazırda Mahaçqaladadır. Təəssüf ki, sərhədlər bağlandığı üçün ailəmin yanına gedə bilmdədim və Bakıda qalmalı oldum.

- Uzun müddət davam edən karantin dövründə ailənizdən uzaq qalmaq sizə çətin deyil?

- Əlbəttə ailəmdən uzaq düşmək mənə çətindir. Lakin mənim çox yaxın rəfiqəm məni bu çətinlikdən az da olsa xilas edir. Biz demək olar ki, günün 24 saatını bir yerdə keçiririk. Yalnız bu səbəbdən mənim karantini tək Bakıda keçirməyim mümkün olub. Əks halda bu qədər uzun müddət tək qala bilməzdim (gülür).

- Maraqlıdır, bu özünütəcrid müddətində vaxtınızı necə keçirisiniz?

- Hər kəs üçün çətin bir dövürdə bir olub virusla mübarizə aparmalıyıq. Nə qədər də çətin olsa da, dövlətin verdiyi qərarlara riayət edib, evdə qalmalıyıq. Vaxtımın əsas hissəsini isə təbii ki, ev şəraitində məşqlərə ayırıram. Formamı saxlamağa çalışıram. Düzdür, evdə tam istədiyim şəkildə məşq etmək mümkün deyil. Amma buna baxmayaraq, ümid edirəm ki, yaxın müddətdə hər şey yoluna düşəcək. Əslində, evdə vaxtımızın səmərələri keçməsi üçün müxtəlif yollar var. Məsələn, əgər sizin ailəniz böyükdürsə, müxtəlif oyunlar oynaya bilərsiniz. Hesab edirəm ki, bu çox əyləncəli və maraqlı olar. Yaxud sadəcə olaraq film, serial izləyə və ya maraqlı kitablar oxuya bilərsiniz.

- Əvvəlki vaxtlarla müqayisədə ölkəmizdə yumuşaldılmış karatin rejimi hökm sürür. Bu sizin həyatınıza və ya məşq prosesinizə təsir edib?

- Məşq etməyə hələ ki, evdə davam edirəm. Kiçik zədəmin olması səbəbi ilə park və ya meydaçalara müraciət etmirəm. Hazırda bərpa prosesindəyəm və demək olar ki, sağalmışam. Düşünürəm ki, tam bərpa olduqdan sonra məşqlərim daha da mütamadi olacaq.

- Evdə olduğunuz müddətdə formanızı qorumaq üçün hər hansısa pəhrizdən istifadə edirsiniz?

- Bütün gün evdə olmağım və tam şəkildə məşqlərə qayıtmadığım üçün şirniyyat və un məmulatlarında az istifadə edirəm. Ümumilikdə isə xüsusi bir pəhriz saxlamıram, yəni rasionumda xüsusi bir dəyişiklik yoxdur.

- Necə düşünürsünüz, karantindən sonra əvvəlki həyat rejiminizə qayıtmaq sizə çətin olmayacaq?

- Hesab edirəm ki, bu çoxları üçün çətin olacaq. Çünki xeyli müddətdir insanlar evdə qalıb və bu rejimə öyrəşib. Həmçinin də mən. Düşünürəm ki, tam şəkildə məşq etməyə başladığım müddətin ilk iki həftəsində bəzi çətinliklərim olacaq. Belə ki, uzun müddət evdə, əvvəlki qaydada mütamadi məşqsiz qalmaq, təbii ki, insana təsir edir. Buna görə də, əvvəlki formaya düşməyim üçün bir qədər zaman tələb olunacaq. Düzdür, karantin rejimi bir çox insanların həyat tərzinə təsir etsə də, düşünürəm ki, bəziləri bundan istifadə edərək ailəsi və yaxınları ilə daha çox vaxt keçirir. Ümid edirəm ki, tezliklə koronavirus pandemiyası bitər və insanların həyatı yenidən öz axarına düşər.

- Karantin rejimi bitdikdən sonra ilk edəcəyiniz iş nə olacaq?

- Yarışlarımız təxirə salınıb və nə zaman yenidən bərpa olunacağı məlum deyil. Buna görə də, sərhədlər açılandan sonra ilk olaraq ailəmin yanına yollanacağam. Ailəm və doğmalarım üçün çox darıxmışam. Sonuncu dəfə ailəmlə yeni il tətilində görüşmüşəm. Buna görə də, səbirsizliklə sərhədlərin açılmasını gözləyirəm.

Türkay Niftəliyeva

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR