AMADA-dan Tokio-2020-yə lisenziya qazanan idmançılara dəstək

Olimpizm xəbərləri

28.04.2021, 15:04

Tokio-2020 Yay Olimpiya Oyunlarına gedəcək idmançılar üçün “ADEL for Tokyo 2020 Olympics” (Tokio 2020 üçün ADEL) platforması Azərbaycan dilində istifadəyə verilib. Azərbaycan Milli Antidopinq Agentliyindən (AMADA) verilən məlumata görə, Ümumdünya Antidopinq Agentliyinin tədris platforması olan ADEL-in hazırladığı proqram Tokio Yay Olimpiya oyunlarına lisenziya qazanmış idmançılar və onları müşayiət edəcək idmançı köməkçi heyəti (məşqçi, həkim və s.) üçün nəzərdə tutulmuş onlayn kursdur. Kursun məqsədi olimpiadada dopinq nəzarəti ilə bağlı ən vacib məlumatları onlara çatdırmaqdır. Onlayn kursdan keçənlər Tokio-2020 Yay Olimpiya Oyunlarında antidopinq qaydaları, dopinq nəzarəti prosesi, habelə Terapevtik İstifadə üçün İcazə və dərmanların necə yoxlanılması haqqında məlumat əldə edəcəklər. Bu kurs vasitəsilə idmançılar həm də hüquq və vəzifələri, oyunlar zamanı onların üzərində yurisdiksiyası olan təşkilatlar haqqında biliklərini təkmilləşdirəcəklər. İnteraktiv onlayn təhsil kursu bir neçə mərhələdən ibarətdir. Hər mərhələdə iştirakçıya vacib biliklər və yekunda biliklərin yoxlanılması üçün suallar verilir. Ümumi sualların 80 faizindən çoxunu düzgün cavablandıran şəxslər kursu müvəffəqiyyətlə tamamlayır və elektron sertifikat əldə edir. Bu platforma idmançıların Tokio-2020 Yay Olimpiya Oyunlarına hazırlığının ayrılmaz hissəsidir. Burada idmançılar və onların köməkçi heyətinin kurslardan keçmələri vacibdir. Tokioya yollanacaq idmançılar üçün əhəmiyyətini nəzərə alaraq, AMADA İdmançıların və onların köməkçi heyətinin kurslardan keçməsi üçün bütün lazımi dəstəyi göstərir. Azərbaycanın qadın güləşi üzrə 8 qat Avropa çempionu Mariya Stadnik kursu keçərək sertifikatını alan ilk idmançı olub.

Dİgər xəbərlər

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

16.02.2026, 17:56

Niderlandlı idmançılar ilk iki yeri əldən vermədilər

SON XƏBƏRLƏR

BÜTÜN XƏBƏRLƏR