Şimali Koreya Çində keçiriləcək Pekin-2022 Qış Olimpiya Oyunlarında iştirak etməyəcək. Artıq Şimali Koreyanın Olimpiya Komitəsi çinli həmkarlarına "ağ olimpiada”dan imtina etmək haqqında məktub da ünvanlayıb.
Məktubda bildirilir ki, Şimali Koreya dövləti "düşmən qüvvələrin hərəkətləri” və koronavirus pandemiyası səbəbindən oyunlarda iştirak etməyəcək.
Şimali Koreya Olimpiya Komitəsi bununla belə, mıktubda Pekin-2022-nin təşkil edilməsi ilə bağlı Çin hökumətini tam dəstəkləyəcəyini bildirib.
Qeyd edək ki, Qış Olimpiya Oyunları bu il fevralın 4-dən 20-nə qədər Pekində keçiriləcək.
Şimali Koreya Pekin-2022-dən imtina etdi
