Bu gün futbol üzrə Avropa çempionatına start veriləcək.
Almaniyanın 2-ci dəfə ev sahibliyi edəcəyi turnirdə ümumilikdə 51 oyun təşkil olunacaq.
24 yığmanın iştirakı ilə keçiriləcək qitə çempionatının açılış matçında Almaniya və Şotlandiya milliləri üz-üzə gələcək. Münhen şəhərindəki “Alyans Arena”da təşkil olunacaq oyun Bakı vaxtı ilə saat 23.00-da başlayacaq. Oyunu fransalı FIFA referisi Kleman Türpen idarə edəcək.
Qeyd edək ki, Avro-2024 Almaniyanın 10 şəhərində və stadionunda keçiriləcək. Turnirə paytaxt Berlinlə yanaşı, Köln, Münhen, Frankfurt, Hamburq, Dortmund, Leyptsiq, Gelzenkirhen, Ştutqart və Düsseldorf şəhərləri də ev sahibliyi edəcək.
Qitənin ən güclü 24 yığması hərəsində 4 komanda olmaqla 6 qrupda mübarizə aparacaq. Qrupları ilk iki yerdə başa vuran komandalar və üçüncü yeri tutan ən yaxşı 4 kollektiv 1/8 finala yüksələcək. Qrup oyunları iyunun 26-da başa çatacaq.
jpg-1718869240.jpg)
