Almaniyada keçirilən futbol üzrə Avropa çempionatında bu gün qrup mərhələsinin II turunun növbəti oyunları təşkil olunacaq.
Günün ilk oyunu Münhen şəhərində keçiriləcək. Bakı vaxtı ilə saat 17:00-da başlayacaq oyunda C qrupunun iştirakçıları olan Sloveniya və Serbiya milliləri üz-üzə gələcək.
Bu qrupun digər oyunu Frankfurtda Danimarka və İngiltərə komandaları arasında olacaq. Qarşılaşmanın start fiti saat 20:00-da veriləcək.
Günün son oyununda B qrupunda yer alan İspaniya və İtaliya klubları qarşılaşacaq. Helzenkirhen şəhərində təşkil olunacaq oyun saat 23:00-da başlayacaq.
