Çingiz Hüseynzadə: "Hidayət Heydərovun qələbəsi Azərbaycan idmanı üçün böyük uğurdur"

$Çingiz Hüseynzadə: \"Hidayət Heydərovun qələbəsi Azərbaycan idmanı üçün böyük uğurdur\"$

BOK

30.07.2024, 00:21

Hidayət Heydərovun qələbəsi Azərbaycan idmanı üçün böyük uğurdur.

Bu sözləri Milli Olimpiya Komitəsinin (MOK) vitse-prezidenti Çingiz Hüseynzadə Azərbaycan cüdoçusu Hidayət Heydərovun (73 kiloqram) "Paris-2024" Yay Olimpiya Oyunlarında qızıl medal qazanması ilə bağlı danışarkən deyib.

O, 28 yaşlı idmançının fəxri kürsünün ən yüksək pilləsi uğrunda çox əziyyət çəkdiyini bildirib: "Ağır döyüşlər keçirdi. Fransalı idmançıya qarşı əzmkar mübarizə nümayiş etdirdi. Demək olar ki, əsl xarakter və tam şəkildə bacarığını göstərə bildi. Bunun sayəsində qalib gəldi. Mən inanıram ki, onun qələbəsi bütün Azərbaycan xalqını sevindirib. Bu gün əsl bayramdır. Bu, ilk uğurumuzdur, amma ümid edirəm ki, son olmayacaq. Bütün olimpiyaçılarımızdan yaxşı nəticələr gözləyirik".

MOK rəsmisinin sözlərinə görə, H.Heydərovun məhz fransız idmançı üzərində qələbə qazanması fərəh hissinə səbəb oldu: "Fransızlar öz təmsilçisini yaxşı dəstəkləyirdilər. Buna baxmayaraq, onlar mükafatlandırma mərasimində Dövlət Himnimiz səslənən zaman ayaqüstə alqışladılar. Bu, doğurdan da qürurverici və unudulmaz bir an idi".

Çingiz Hüseynzadə Paris Olimpiadasında iştirak edən digər idmançılarımızın da şanslarını dəyərləndirib: "Bildiyimiz kimi, boksçumuz Alfonso Dominqes (92 kiloqram) çox çətin rəqibə qarşı mübarizə apardı və nəticədə qalib gəldi. Digər növlərdə ölkəmizi təmsil edən idmançılarımızdan da yüksək nəticələr görmək istəyirik. Təbii ki, Olimpiada kimi mötəbər turnirdə sadəcə medal qazanmaq deyil, 5-6-cı yer tutmaq belə böyük uğur sayılır. Basketbolçu qızlarımızın da yaxşı çıxış edəcəyinə inanırıq. Bu yarışlarda ümumilikdə 9 medala ümid edirəm. Fikrimcə, Parisdəki nəticələrimiz Tokiodakından daha çox olacaq. Təbii ki, istərdim mükafat sayı 9-dan da artıq olsun. Lakin hazırkı proqnozlar bunu göstərir".

Qeyd edək ki, Paris Olimpiadasına avqustun 11-də yekun vurulacaq.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR