Avropa Cüdo Ümidləri Turnirinə start verilib

Cüdo

Bugün, 10:13

İyulun 25-də Bakıda Avropa Cüdo Ümidləri Turnirinə start verilib.

Olimpnews.az xəbər verir ki, Avropa Cüdo Birliyi (EJU) və Azərbaycan Cüdo Federasiyasının birgə təşkilatçılığı ilə Abşeron Olimpiya İdman Kompleksində keçirilən yarışda 10 ölkədən 81 klubun 289 yeniyetmə cüdoçusu mübarizə aparır.

İki gün davam edəcək turnirdə Azərbaycan, Almaniya, Macarıstan, İsrail, Rumıniya, Rusiya, Səudiyyə Ərəbistanı, Tacikistan, Türkiyə və Ukraynanı təmsil edən idmançılar U-14 və U-16 yaş kateqoriyalarında tatamiyə çıxırlar. Yarış iştirakçılarının 245-i oğlan, 44-ü isə qız cüdoçudur.

Turnirlə paralel olaraq, 24-26 iyul tarixlərində iştirakçılar üçün texniki seminarlar da keçirilir. Kodokan mütəxəssisi, ikiqat Olimpiya mükafatçısı, üçqat dünya çempionu Misato Nakamura və Olimpiya mükafatçısı Mariya Çentrakkionun rəhbərliyi ilə təşkil olunan seminarlarda iştirakçılar müasir texniki yanaşmalar, fəndlərin incəlikləri və məşq metodikaları ilə bağlı biliklərini artırmaq imkanı əldə edirlər.

Qeyd edək ki, Avropa Cüdo Ümidləri Turniri Avropa Cüdo Birliyinin yeniyetmə cüdoçuların inkişafına yönəlmiş ən mühüm layihələrindən biridir. Yarış beynəlxalq təcrübənin artırılması, müxtəlif cüdo məktəbləri arasında əlaqələrin möhkəmləndirilməsi və gələcəyin perspektivli idmançılarının yetişdirilməsi baxımından mühüm əhəmiyyət daşıyır.

Dİgər xəbərlər

$Natiq Bağırov: \"Turnirdə iştirak edən idmançılar beynəlxalq yarış təcrübəsi qazanırlar\" $

Bugün, 10:48

Natiq Bağırov: "Turnirdə iştirak edən idmançılar beynəlxalq yarış təcrübəsi qazanırlar"

24.07.2026, 21:46

Avropa Cüdo Ümidləri Turnirinin püşkatma mərasimi keçirilib

24.07.2026, 19:48

Bakıda cüdo üzrə beynəlxalq texniki seminar keçirilir

20.07.2026, 13:13

Bakıda Avropa Cüdo Ümidləri Turniri keçiriləcək

$\"Judo Club 2012\"nin cüdoçuları region birinciliyində uğurla çıxış ediblər$

16.07.2026, 22:12

"Judo Club 2012"nin cüdoçuları region birinciliyində uğurla çıxış ediblər

16.07.2026, 14:44

Bakıda keçiriləcək cüdo üzrə dünya çempionatına həsr olunmuş mətbuat konfransı keçirilib

$Rəşad Rəsullu: \"Dünya çempionatı komandamızın hazırkı səviyyəsini qiymətləndirmək baxımından böyük əhəmiyyət daşıyır\"$

16.07.2026, 13:19

Rəşad Rəsullu: "Dünya çempionatı komandamızın hazırkı səviyyəsini qiymətləndirmək baxımından böyük əhəmiyyət daşıyır"

16.07.2026, 13:08

Cüdo üzrə dünya ulduzları Bakıya gələcək

16.07.2026, 12:56

Dünya çempionatında 90-a yaxın ölkədən 600-dən çox cüdoçunun iştirak edəcəyi gözlənilir

$Rəşad Rəsullu: \"İndiyədək 20-yə yaxın ölkədən cüdo həvəskarları yarış üçün bilet əldə edib\"$

16.07.2026, 12:40

Rəşad Rəsullu: "İndiyədək 20-yə yaxın ölkədən cüdo həvəskarları yarış üçün bilet əldə edib"

$Rəşad Rəsullu: \"Məqsədimiz bu dünya çempionatını ən yüksək səviyyədə təşkil etməkdir\"$

16.07.2026, 12:32

Rəşad Rəsullu: "Məqsədimiz bu dünya çempionatını ən yüksək səviyyədə təşkil etməkdir"

01.07.2026, 16:03

Yardımlıda cüdo üzrə region birinciliyi keçiriləcək

SON XƏBƏRLƏR

BÜTÜN XƏBƏRLƏR