Hidayət Heydərov: “Əsas məqsədim Los-Anceles-2028 Olimpiadasında da çempion olmaqdır”

BOK

31.07.2024, 11:32

Fransanın paytaxtı Parisdə keçirilən XXXIII Yay Olimpiya Oyunlarının cüdo yarışlarının qalibi Hidayət Heydərov ölkəmizin media nümayəndələrinə müsahibə verib. Dünya, Avropa və Olimpiya çempionumuz qələbə sevincini bölüşüb. Həmin müsahibəni oxuculara təqdim edirik.

- Hidayət, Paris-2024 Yay Olimpiya Oyunlarının qalibi oldun. Olimpiya çempionu kimi indi hansı hissləri keçirirsən?

- Paris-2024 Yay Olimpiya Oyunlarında əldə etdiyim nəticə ilə kifayətlənmək istəmirəm. Bundan sonra əsas məqsədim Los-Anceles-2028 Olimpiadasında da çempion olmaqdır. Bu Oyunlara qədər isə bizi çoxlu yarışlar, eyni zamanda dünya və Avropa çempionatları gözləyir. Bir qədər istirahət etdikdən sonra yenidən məşqlərə başlayacağam.

- Bir il ərzində Avropa, dünya və Olimpiya çempionu adını qazdın.

- Medal kolleksiyamı tamamladım. Buna trebl deyirlər. Keçmiş komanda yoldaşım Orxan Səfərov mənə hər zaman deyirdi ki, sən trebl edəcəksən. Doğrudan da mən bunu bacardım. Haqqımda yazılan müsbət rəyləri oxuyuram. Etiraf edim ki, həmin rəyləri çox bəyənirəm.

- Dünya çempionatında qızıl medalı son saniyələrdə əldə etdin. Paris Olimpiadasında da final görüşü gərgin mübarizə şəraitində keçdi. Təxminən 10 dəqiqəyə yaxın döyüşdün. Maraqlıdır, bu gücü özündə necə toplaya bildin?

- Əslində Avropa çempionatının finalında da çətinliklə qələbə qazanmışdım. Rəqibim rusiyalı cüdoçu idi. Düzdür, haqsızlıqlar çox olurdu. Buna baxmayaraq, özümü haqsızlıqlara qarşı hazırladığım üçün bu mübarizələrdən qalib ayrılırdım. Dünya çempionatının finalında isə yaponiyalı idmançı ilə qarşılaşdım. Həmin yarışda qalib gələcəyimə inanırdım. Hətta çempion olduqdan sonra sevincdən ağladım. Olimpiadanın finalında isə dəqiqələr keçdikcə hiss edirdim ki, rəqibim çox yorulub. Qələbəni əldə verə bilməzdim. İstəyirdim ki, arenaya toplaşan və rəqibimi alqışlayan fransalı azarkeşləri qələbəmlə susdurum və onlar Azərbaycan himnini ayaq üstə dinləsinlər.

- Ekran qarşısında çıxışını izləyən azarkeşlər də səninlə eyni həyəcanı keçirirdi. Həmin an gərginlik və emosiyalar ən pik həddə idi. Artıq qələbəndən bir gün keçib. Olimpin zirvəsində, idman karyeranın ən yüksək pilləsindəsən.

- Məndə belə bir xüsusiyyət var ki, bütün yarışlarda qalib gəlsəm də, yenə bu qələbələrdən sonra arxayınlaşmıram. İstəmirəm ki, özümü Olimpiya çempionu kimi hiss edim. Çünki belə olarsa arxayınlıq yarana bilər. Mən yenə də Olimpiya Oyunların qalibi olmaq, bu sevinci bir daha yaşamaq istəyirəm.

- Karyeranın sonun kimi neçə dünya, Avropa və Olimpiya çempionu olmağı planlaşdırırsan?

- Dördqat Avropa çempionuyam. Bir dəfə isə dünya və Olimpiya çempionu olmuşam. Qarşıma məqsəd qoymuşam ki, 7-8 dəfə Avropa çempionu, üç dəfə dünya çempionatının qalibi və iki dəfə isə Olimpiya Oyunlarının qalibi olum. Düzdür, bunlar mənim arzularımdır. Demək asandır, əməl etmək isə çətin. Qarşıda hələ dörd il vaxt var. Çalışacağım ki, bu arzularımı yerinə yetirim. Ən azından dünya və Avropa olmasa da, ikiqat Olimpiya çempionu olmaq istəyərəm.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR