Qadın güləşçimiz Mariya Stadnik Paris-2024 Yay Olimpiya Oyunlarında 1/4 final görüşünə çıxıb. 50 kq çəki dərəcəsində mübarizə aparan dördqat Olimpiya mükafatçımız bu mərhələdə monqolustanlı Otqonjarqal Dolqorjavla qarşılaşıb. Təəssüf ki, görüş rəqib idmançının qələbəsi ilə başa çatıb. Monqolustanlı güləşçi sonuncu xal prinsipinə (4:4) əsasən mərhələ adlayıb. Otqonjarqal Dolqorjav finala vəsiqə qazansa, Mariya Stadnik sabah təsəlliverici görüşə çıxacaq.
Xatırladaq ki, M.Stadnik ilk qarşılaşmada almaniyalı Anastasiya Blavyasa qalib gəlib.
