Tamaşaçı aldığı biletin pulunu geri istəyir

Olimpizm xəbərləri

12.09.2024, 11:40

Parisdə-2024 Yay Olimpiya Oyunlarının açılış mərasimində iştirak edən bir tamaşaçı biletinin geri qaytarılmasını tələb edir. Şou üçün 1600 avro ödəmiş tamaşaçı mərasimdə heç nə görmədiyini deyib.

“Bu, böyük məbləğdir. Mən mərasimi görmək istəyirdim və buna görə bilet aldım. Demişdilər ki, hər şey qeyri-adi olacaq. Gördüyüm yalnız qaranlıqda işıqsız və bəzəksiz uzaqda üzən qayıqlar oldu. Körpülərdə və ya dayaqlarda heç bir rəqqasəni və ya şounu yaxından görə bilmədim. Ümumiyyətlə, maraqlı heçnə görmədim. Məni axmaq kimi qəbul etdilər. Bir sözlə, böyük bir fırıldağın qurbanı oldum”- deyə RMC Sport izləyicinin sözlərindən sitat gətirib.

Qeyd edək ki, Paris-2024 Yay Olimpiya Oyunları iyulun 26-dan avqustun 11-dək keçirilib.