Macarıstanın paytaxtı Budapeştdə keçirilən 45-ci Ümumdünya Şahmat Olimpiadası davam edir. Bu gün kişi və qadınlardan ibarət Azərbaycan yığmaları olimpiadada növbəti görüşlərini keçirəcəklər. Hər iki komanda VII turda İtaliya komandası ilə qarşılaşacaq.
Teymur Rəcəbovun kapitanı olduğu kişilərdən ibarət milli (Şəhriyar Məmmədyarov, Rauf Məmmədov, Nicat Abasov, Aydın Süleymanlı, Məhəmməd Muradlı) 10 xalla 14-сü, Mixail Şereşevskinin başçılıq etdiyi (Günay Məmmədzadə, Gövhər Beydullayeva, Xanım Balacayeva, Ülviyyə Fətəliyeva, Gülnar Məmmədova) qadın komandası isə 10 xalla 19-cu pillədə qərarlaşıb.
Qeyd edək ki, Şahmat Olimpiadasına sentyabrın 23-də yekun vurulacaq.
