"Ölkəmizi layiqli şəkildə təmsil etdiyimə görə çox sevinirəm".
Bu sözləri "Mingəçevir Reqatası-2024"də qızıl medal qazanan Azərbaycan avarçəkəni Amil Ramazanov deyib.
Kayak növündə birinci yeri tutan idmançı çempion olduğuna görə çox sevindiyini qeyd edib. "İlk dəfə idi beynəlxalq yarışda iştirak edirdim. Ciddi hazırlaşmışdım və bəhrəsini də gördüm. Sabah Füzulidə, daha sonra Mingəçevirdə mübarizə aparacağıq. Beynəlxalq reqatada növbəti dəfə qızıl medal qazanmaq istəyirəm”.
Qeyd edək ki, Azərbaycan idmançıları "Mingəçevir Reqatası-2024"də indiyədək 2 qızıl, 3 gümüş və 2 bürünc medal qazanıblar. Turnirə oktyabrın 18-də yekun vurulacaq.
Amil Ramazanov: "Beynəlxalq reqatada növbəti dəfə qızıl medal qazanmaq istəyirəm"
