Azərbaycan çempionatına start verildi

BOK

29.11.2024, 23:15

Noyabrın 29-da qadınlar və kişilər arasında cüdo üzrə Azərbaycan çempionatına start verilib. Bakı İdman Sarayında təşkil olunan turnirin açılış mərasimində Gənclər və idman nazirinin müavini Mariana Vasileva, Azərbaycan Cüdo Federasiyasının (ACF) icraçı vitse-prezidenti Rəşad Rəsullu, ACF-in İcraiyyə Komitəsinin üzvü, Azərbaycan Cüdo Veteranları Assosiasiyasının prezidenti Azər Əsgərov, "Azman Holdinq"in rəhbərliyi, Olimpiya çempionları və idman ictimaiyyətinin nümayəndələri iştirak ediblər.

Açılış mərasimdə çıxış edən Mariana Vasileva ölkə çempionatının yüksək səviyyədə təşkil olunduğunu qeyd edərək yarış iştirakçılarına uğurlar arzulayıb. Turnirin hər bir idmançının karyerasında potensial dönüş nöqtəsi ola biləcəyini qeyd edən Rəşad Rəsullu isə çempionatın keçirilməsində göstərdiyi dəstəyə görə Gənclər və İdman Nazirliyinə, "Azman Holdinq" və "Azercell" şirkətlərinə minnətdarlığını bildirib.

Rəsmi çıxışlardan sonra final görüşlərinə start verilib. Turnirin ilk günündə qadınlar və kişilər arasında 7 çəki dərəcəsində 178 cüdoçu medallar uğrunda mübarizə aparıb. "Judo Club 2012" klubunun üzvləri yarışın ilk gününü 2 qızıl və 1 bürünc medalla başa vurublar. Bütün rəqiblərinə qalib gələn Hüseyn Allahyarov (-60 kq) və Fidan Əlizadə (-63kq) qızıl medallara layiq görülüb. -63 kq çəki dərəcəsində qüvvəsini sınayan Leyla Atayeva isə bürünc medala sahib çıxıb.

Qaliblərə medalları Gənclər və idman Nazirliyi və Azərbaycan Cüdo Federasiyasının nümayəndələri ilə yanaşı, cüdo üzrə ikiqat Avropa çempionu, yeddiqat Avropa, ikiqat dünya mükafatçısı, beynəlxalq turnirlərin qalib və mükafatçısı, “Judo Club 2012” klubununqadınlardan ibarət komandasının baş məşqçisi Kifayət Qasımova və "Cüdo Klub 2012” İctimai Birliyinin sədri və klubun təsisçisi, usta cüdoçular arasında dünya və Avropa çempionatlarının dəfələrlə qalibi və mükafatçısı Azər Əsgərov təqdim edib.

Xatırladaq ki, Hüseyn Allahyarova və Fidan Əlizadə bu yaxınlarda Polşanın Pila şəhərində təşkil olunan 23 yaşa qədər cüdoçular arasında Avropa çempionatında da qızıl medal qazanmışdılar.

Qeyd edək ki, "Azman Holdinq" və "Mangal Steak House" restoranlar şəbəkəsinin də əsas sponsorlarından olan turnirin ümumi mükafat fondu bu il ilk dəfə olaraq 50 min manat təşkil edib. Üç gün davam edəcək turnirin fərdi yarışlarına sabah yekun vurulacaq. Dekabrın 1-də isə cüdoçular komanda yarışlarında güclərini sınayacaqlar.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR