Tomas Bax BOK-un fəxri prezidenti seçildi

BOK

20.03.2025, 14:57

Martın 19-da Yunanıstanın Kosta Navarino şəhərində keçirilən Beynəlxalq Olimpiya Komitəsinin (BOK) 144-cü sessiyası zamanı Tomas Bax BOK-un fəxri prezidenti seçilib.

BOK-un birinci vitse-prezidenti Nikola Hevertsın təklifi ilə Tomas Baxın prezidentliyi ərəfəsində Olimpiya Hərəkatındakı fəaliyyəti və böyük uğuru BOK üzvlərinin bu təklifi yekdilliklə qəbul etməsinə səbəb olub.

BOK-un birinci vitse-prezidenti xanım Heverts qeyd edib: "Tomas Baxın uzaqgörən rəhbərliyi altında Olimpiya proqramı illər ərzində uğurla həyata keçirildi. Bu, şübhəsiz ki, kiçik bir nailiyyət deyildi. Prezident Bax vəzifədə olduğu müddət ərzində dünya idmanının çətin şərtlərinə diqqət yetirərək inanılmaz qətiyyət və uzaqgörənlik nümayiş etdirdi. O, 2020 və 2020+5 Olimpiya proqramlarını, eləcə də süni intellekt üzrə Olimpiya proqramını dəstəkləyərək, oyunların və Olimpiya Hərəkatının gələcəyini müəyyən edən mühüm islahatlar həyata keçirdi. Onun rəhbərliyi mürəkkəb geosiyasi vəziyyətlərin aradan qaldırılmasında, gender bərabərliyinin təşviqində, davamlı inkişaf təşəbbüslərinin təşviqində, COVID-19 pandemiyasına qarşı mübarizədə və dopinqlə mübarizənin gücləndirilməsində mühüm rol oynadı. Beləliklə, deyə bilərik ki, əslində prezident Tomas Bax 21-ci əsrdə Olimpiya Hərəkatının modernləşdirilməsində və aktuallığının təmin edilməsində həlledici rol oynadı. Bütün Olimpiya ictimaiyyəti adından cənab Tomas Baxa yorulmaz fədakarlığına, işində sarsılmaz sədaqətinə, idmana olan bağlılığına, idmançılara göstəridiyi qayğıya və Olimpiya Hərəkatındakı xidmətlərinə görə minnətdarlığımızı bildiririk".

İclasda BOK-un bir neçə üzvü, Milli Olimpiya Komitlərinin rəhbərləri, Olimpiya çempionları Tomas Bax haqqında fikirlərini bölüşüb.

Sonra Tomas Bax çıxış edərək ona göstərilən etimada görə minnətdarlığını bildirib. "Əziz dostlar və həmkarlar, 12 il əvvəl Prezident seçildiyim zaman ilk sözlərim "off" idi və indi də eyni vəziyyətdir. Mənim barəmdə səsləndirdiyiniz bu gözəl sözlərə görə və Fəxri Prezident seçməklə mənə bu şərəfi verdiyiniz üçün sizə son dərəcə minnətdaram. Ancaq mən bunu böyük təvazökarlıqla və iki səbəbə görə qəbul edirəm. Həmişə dediyim kimi, burada gördüyümüz işlər biri nəfərin deyil, hamımızın uğurudur. Hər biriniz bu uğura öz töhfənizi verdiniz. Qızıl medal həyatımı dəyişdirdi. İdmançı karyeramı bitirdikdən sonra göstərdiyiniz ehtimata görə BOK prezidenti vəzifəsinə seçildim. Bunun sayəsində idmana olan həvəsimi davam etdirə bilmək, başqalarının həyatlarını dəyişdirməyə kömək etmək və Olimpiya Hərəkatından qazandıqlarımı idmana qaytarmaq fürsəti tapdım. Buna görə çox xoşbəxtəm. Hər birinizə dərin minnətdarlığımı bildirirəm", - deyə Tomas Bax qeyd edib.

Prezident Tomas Bax çıxışını yekunlaşdırarkən deyib: "İndi yeni rəhbərliyin seçilməsinin vaxtıdır. Olimpiya Hərəkatına töhfə vermək və onu indikindən daha parlaq etmək üçün yeni rəhbərliyi seçmək sizin ixtiyarınızdadır. Hamımıza uğurlar arzulayıram. Hər hansısa bir dəstək lazım olduğu halda istənilən vaxt hazır olacağam".

Qeyd edək ki, BOK-un doqquzuncu Prezidenti olan Tomas Bax 2013-cü ildə Argentinanın paytaxtı Buenos-Ayresdə keçirilən 125-ci iclasında bu vəzifəyə seçilib və 12 il BOK prezidenti vəzifəsini icra edib.

Tomas Bax 23 iyun 2025-ci ildən sonra BOK-un prezidentliyini tərk edəcək.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR