"Sabah" tarixində ilk dəfə UEFA Çempionlar Liqasının əsas mərhələsinə vəsiqə qazanıb

$\"Sabah\" tarixində ilk dəfə UEFA Çempionlar Liqasının əsas mərhələsinə vəsiqə qazanıb $

Gündəm

25.08.2026, 23:30

Azərbaycan çempionu "Sabah" futbol üzrə UEFA Çempionlar Liqasının əsas mərhələsinə vəsiqə qazanıb.

Olimpnews.az xəbər verir ki, pley-off mərhələsinin cavab oyununda İsrailin "Hapoel" (Beer-Şeva) komandasıilə qarşılaşan Valdas Dambrauskasın komandası Tofiq Bəhramov adına Respublika stadionundakı qarşılaşmanın əsas vaxtında 3:2 hesablı qələbə qazanıb.

Qonaqların heyətində 10-cu dəqiqədə İqor Zlatanoviç, 61-ci dəqiqədə Qay Mizrahi fərqlənib. Azərbaycan təmsilçisində Kristian Nvaçukvu 38-ci, Umarali Raxmonaliyev 74-cü, Tellur Mütəllimov 90+4-cü dəqiqədə adını taploya yazdırıb.

Rumıniyada keçirilən ilk görüşdə rəqib 2:1 hesabı ilə qalib gəldiyi üçün əlavə vaxta ehtiyac duyulub.

Əlavə vaxtda, 101-ci dəqiqədə Patrik Orfe Mbina, 115-ci dəqiqədə Coy-Lens Mikels növbəti dəfə qonaqları məyus ediblər.

Beləliklə, "Sabah" tarixində ilk dəfə UEFA Çempionlar Liqasının əsas mərhələsinə vəsiqə qazanıb.