Baş məşqçi Ruslan Hətəmxanov üzgüçülərimizin Dakar-2026-dakı çıxışlarını dəyərləndirib

Olimpiya oyunları

Bugün, 01:05

Üzgüçülük üzrə Azərbaycan yığma komandasının baş məşqçisi Ruslan Hətəmxanov Seneqalın paytaxtı Dakarda keçirilən Yeniyetmələrin IV Yay Olimpiya Oyunlarında çıxış edən üzgüçülərimizin çıxışlarını dəyərləndirib.

Olimpnews.az xəbər verir ki, baş məşqçi yarışlarda iştirak edən idmançılarımızın çıxışlarını və komandanın növbəti addımları ilə bağlı fikirlərini bölüşüb. “Oyunlarda ilk olaraq, Məryəm Cavadova 100 metr məsafəyə sərbəst üsulla üzmədə mübarizə başlayıb. Zədə səbəbindən öz potensialını tam nümayiş etdirə bilməsə də, o, nəticəsini yaxşılaşdırmaq üçün sonadək əzmkarlıq göstərdi. Komandanın digər üzvü Süleyman İsmayılzadə isə 400 metr məsafəyə sərbəst üsulla üzmədə 8-ci oldu. İstənilən nəticə əldə olunmasa da, Süleyman mübarizəni davam etdirdi. O, noyabrın 6-da 200 metr məsafəyə sərbəst üsulla üzmə yarışında yenidən mübarizə aparacaq. Yeniyetmələrin IV Yay Olimpiya Oyunları idmançılarımız üçün böyük bir təcrübə olacaq".