Gənclər və könüllülərlə görüş

BOK

24.07.2020, 11:21

“Könüllülər ili” çərçivəsində Gənclər və İdman Nazirliyi, Milli Olimpiya Komitəsi, Azərbaycan Məktəb İdmanları Federasiyası, “Azərbaycan İdman Könüllüləri” və “Azərbaycan İdmançıları” ictimai birliklərinin təşkilatçılığı ilə reallaşdırılan “Azərbaycanın Olimpiya Odisseyası” layihəsinin növbəti mərhələsi videokonfrans formatında baş tutub. Tədbir çərçivəsində Olimpiya çempionu Fərid Mansurovun idman ictimaiyyəti, gənclər və könüllülərlə görüşü keçirilib.

Tədbiri açan qurumun sədri Miraqil Seyidzadə layihənin məqsədi haqqında danışıb, yeni növ koronavirus (COVID-19) pandemiyasının dünyada və ölkədə müxtəlif sahələrdə, xüsusən də idmanda yaratdığı çətinlikləri diqqətə çatdırıb. Videokonfrans iştirakçıları son günlər Ermənistan silahlı qüvvələri tərəfindən Azərbaycan sərhədlərində törədilən təxribatlar zamanı şəhid olmuş əsgər və zabitlərin xatirəsini ehtiramla anıblar. Daha sonra tədbir iştirakçılarına Olimpiya çempionu Fərid Mansurovun fəaliyyəti haqqında qısa məlumat verilib. Milli Olimpiya Komitəsinin İdman idarəsinin müdiri Həsənağa Rzayev Fərid Mansurovu peşəkar idmançı və dost, yüksək əxlaqi keyfiyyətlərə malik bir insan kimi xarakterizə edib. H.Rzayev, həmçinin pandemiya dövrünün idman sahəsinə əks-təsirinin aradan qaldırılması üçün atılan addımlardan söz açıb. “Azərbaycan İdmançıları” İctimai Birliyinin baş katibi Fərhad Acalov qurumun pandemiya dövründə karantin qaydaları çərçivəsində insanları idmana cəlb etmək üçün həyata keçirdiyi tədbirlər haqqında məlumat verib. Bu tədbirlərin təşkilinə Fərid Mansurovun dəstək göstərdiyini diqqətə çatdırıb və onun idman fəaliyyətindən danışıb. Fərid Mansurov idman sahəsinə gələrkən keçdiyi çətinliklərdən, peşəkar idmançı kimi qazandığı uğurlardan, qələbə əldə etdiyi zamanı yaşadığı duyğulardan bəhs edib. Daha sonra idman ictimaiyyətinin, gənclərin və könüllülərin suallarını cavablandırıb, onlara sağlamlıqlarının qorunması, xəstəliklərlə mübarizəyə dair tövsiyələrini verib.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR