Çexiyanın paytaxtı Praqada keçirilən Avropa çempionatı sona yaxınlaşır. Çempinatın son günündə Azərbaycanın 5 cüdoçusu tatamı üzərinə çıxacaq. Qitə çempionatında kişilər arasında Məmmədəli Mehdiyev (90 kq) niderlandlı Yesper Smink, Zelim Kotsoyev polşalı Oleksii Lysenko, Elmar Qasımov (hər ikisi 100 kq) avstraliyalı Aaron Fara, Uşangi Kokauri (+100 kq) rusiyalı Tamerlan Başayev və macarıstanlı Riçard Sipoç cütünün qalibi ilə mübarizə aparacaq.
Qadın cüdoçuların yarışında isə İrina Kindzerska (+78 kq) ilk qarşılaşmasını dörddəbir finalda ispaniyalı Sara Alvarez və serbiyalı Milisa Zabiç cütünün qalibinə qarşı keçirəcək.
Avropa çempionatına 40 ölkədən 355 cüdoçu mübarizə aparırı.
Qeyd edək ki, yarışın ilk iki günündə Orxan Səfərov (66 kq) qızıl, Rüstəm Orucov (73 kq) isə bürünc medal qazanıb.
