Daha iki taekvondoçumuzun Polşada keçirilən III Avropa Oyunlarında ilk rəqibləri müəyyənləşib.
İyunun 25-də dayanq üzərinə çıxacaq millimizin üzvlərindən Eltac Qafarov (74 kq) səkkizdəbir finalda Lukaş Çudnoçla (Polşa) üz-üzə gələcək. Fəridə Əzizova (67 kq) isə eyni mərhələdə Atanasia Mitsopoulounu (Yunanıstan) sınağa çəkəcək.
Azərbaycan taekvondoçularının hesabında hələlik 2 medal var. Səyyad Dadaşov (54 kq) gümüş, Qasım Maqomedov (58 kq) bürünc mükafat əldə ediblər.
