Pakistanın idman jurnalistləri Milli Olimpiya Komitəsində olublar - FOTO

BOK

15.09.2023, 16:45

Milli Olimpiya Komitəsinin (MOK) inzibati binasında Beynəlxalq İdman Mətbuatı Assosiasiyasının (AIPS) və onun qitə qurumu Avropa İdman Mətbuatı İttifaqının (AIPS Europe) milli subyekti və rəsmi təmsilçisi olan Azərbaycan İdman Jurnalistləri Assosiasiyasının (AİJA) "Rəqəmsal İdman Jurnalistikası” layihəsinin ikinci mərhələsinin ölkə turunun yekunlarına həsr olunmuş tədbiri keçirilib.

Tədbirdə MOK-un vitse-prezidenti Çingiz Hüseynzadə, baş katib Azər Əliyev, Azərbaycan İdman Jurnalistləri Assosiasiyasının prezidenti Eldar İsmayılov, "İdman” telekanalının direktoru, AİJA-nın baş katibi Rövşən Binnətli, Pakistan İdman Yazarları Federasiyasının baş katibi Məhəmməd Asgar və KİV nümayəndələri iştirak ediblər.

Tədbirdə çıxış edən Çingiz Hüseynzadə iki ölkə arasında siyasi, iqtisadi, hərbi əlaqələrin, xalqlar arasında sıx bağlılığın əhəmiyyətindən danışıb. "Düşünürəm ki, Azərbaycan və Pakistan arasında idman əlaqələrinin genişləndirilməsində medianın da xüsusi rolu var. Bunun üçün də medianın üzərinə böyük vəzifə düşür. Fikrimcə, azərbaycanlı media nümayəndələri Pakistanın idman həyatı, infrastrukturu və nailiyyətləri barədə yazılar hazırlamalıdırlar. Eyni zamanda pakistanlı jurnalistlər də Azərbaycanın idman infrastrukturu, ölkəmizin ev sahibliyi etdiyi mötəbər idman yarışları və idmançılarımızın uğurları barədə öz media orqanlarında yazılar dərc etməlidirlər. Ümid edirəm ki, bu tədbirdən sonra idman sahəsindəki əlaqələr genişlənəcək, xüsusi münasibətlər yaranacaq. İnanıram ki, bu səfəriniz uğurlu olub və Azərbaycan haqqındakı xoş təəssüratlarınızı öz ölkənizdə bölüşəcəksiniz”, - deyə Çingiz Hüseynzadə bildirib.

AİJA-nın prezidenti Eldar İsmayılov pakistanlı idman yazarlarının ölkəmizə səfərinin konkret istiqamətlərindən, onların səfər çərçivəsində keçirdikləri görüşlərdən söz açıb. O, həmçinin rəhbərlik etdiyi qurumun idman sahəsində fəaliyyət göstərən beynəlxalq media təşkilatları ilə əlaqələri haqqında danışıb.

Sonra çıxış edən Pakistan İdman Yazarları Federasiyasının baş katibi Məhəmməd Asgar layihə haqqında danışaraq, bu səfərin onlar üçün yaddaqalan olacağını bildirib.

"İdman” telekanalının direktoru, AİJA-nın baş katibi Rövşən Binnətli isə çıxışında bu səfərin təkcə idman sahəsində deyil, Azərbaycan jurnalistikası üçün bir nümunə olduğunu qeyd edib. Belə layihələrin davamlı şəkildə olacağını deyən R.Binnətli bu qarşılıqlı səfərlərin hər iki ölkə arasında əməkdaşlığı daha da möhkəmləndirəcəyini və yaradıcılıq mübadiləsi baxımından çox əhəmiyyətli rol oynayacağını bildirib.

Çıxışlardan sonraAIPS prezidenti Gianni Merlo (İtaliya), AİPS Europenin prezidenti Çarlz Kamenzuli (Malta), AİPS Asianın prezidenti Hee-Don Jung (Koreya), Pakistan İdman Yazarları Federasiyasının (PSWF) prezidenti Amjat Malik Azizin iştirakçılara videotəbriki çatdırılıb. Daha sonra pakistanlı idman jurnalistlərinin Fəxri Xiyaban və Şəhidlər Xiyabanını ziyarətdən başlayan qısa videoçarx nümayiş etdirilib.

Sonra Azərbaycanda səfərdə olan nümayəndə heyətinə sertifikatlar təqdim olunub. Tədbirə qarşılıqlı xatirə hədiyyələrinin təqdim olunması və xatirə fotosu ilə yekun vurulub.

Qeyd edək ki, AİJA ilə PSWF arasında imzalanan əməkdaşlıq memorandumunun şərtlərinə uyğun olaraq, Bakıda ZOOM platforması üzərindən "Rəqəmsal idman jurnalistikası" mövzusunda beynəlxalq təlimlər keçirilib. Bakı və regionlardan, həmçinin Pakistan, Əfqanıstan, Şri Lanka və başqa ölkələrdən 100-dən artıq iştirakçı AİJA-nın 1-ci vitse-prezidenti, AIPS Europe İcraiyyə Komitəsinin üzvü Nərgiz Mahmudzadənin moderatorluğu ilə keçirilən təlimlərdə Gianni Merlo, AIPS-in 1-ci vitse-prezidenti Esat Yilmaer (Türkiyə), AIPS Futbol Komissiyasının sədri, çoxsaylı bestseller kitabların müəllifi, dünyaca məşhur idman jurnalisti Keyr Rednec (Böyük Britaniya), Çarlz Kamenzuli (Malta), Hee-Don Jung (Koreya), Amjat Malik Aziz, "Qətər 2022"nin Azərbaycandakı rəsmi yayımcısı İctimai TV-nin əməkdaşı, AİJA versiyasına görə "İlin idman jurnalisti" seçilmiş Elnur Əliyev, Pakistanın dijital media üzrə tanınmış mütəxəssisi, jurnalist Muhammad Asif Xan və başqalarının maraqlı mühazirələrini, tövsiyə və təcrübələrini bölüşüblər, mentorlarla canlı debata giriblər. Əvvəlcədən əldə olunmuş razılaşmaya əsasən, təlimlərdə iştirak edən 7-si gənc olmaqla 9 nəfər pakistanlı idman jurnalisti bu il sentyabrın 9-dan Bakıda təcrübə mübadiləsi üçün səfərdə olub. Yaxın aylarda layihənin Pakistan turu çərçivəsində Azərbaycandan olan idman jurnalistlərinin bu ölkəyə səfəri planlaşdırılır.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR