Yunan-Roma güləşi üzrə millimiz Avropa çempionu oldu

Olimpizm xəbərləri

22.05.2024, 21:23

Bakıda keçirilən U-23 Avropa çempionatında yunan-Roma güləşi üzrə yarışlara yekun vurulub.

Millimiz qitə birinciliyində uğurlu çıxış edərək tarixi nəticəyə imza atıb.

Belə ki, 3 qızıl, 1 gümüş və 4 bürünc medal qazanan yığmamız 163 xal toplayaraq ilk dəfə komanda hesabında U-23 Avropa çempionu olub. Yarışda toplanan xallara görə də özünün ən yaxşı nəticəsini əldə edən millimiz ən yaxın izləyicisi Gürcüstanı 25 xal qabaqlayıb. Türkiyə 135 xalla üçüncü yeri tutub.

Xatırladaq ki, komandamızın tərkibində Ziya Babaşov (63 kq) Xasay Həsənli (77 kq), Qurban Qurbanov (82 kq) qızıl, Nihad Quluzadə (60 kq) gümüş, Rəşad Məmmədov (55 kq), Ruslan Nurullayev (72 kq), Laçın Vəliyev (87 kq) və Murad Əhmədiyev (97 kq) isə bürünc medal qazanıb.