Paris 2024 Yay Olimpiya Oyunlarında tarixi qələbə qazanan cüdoçularımız Vətənə qayıdırlar. Olimpiya çempionlarmız avqustun 4-də saat 05:15-də Heydər Əliyev Beynəlxalq Hava Limanında olacaqlar.
Qeyd edək ki, cüdo üzrə yığma komandamızın üzvləri Hidayət Heydərov (-73 kq) və Zelim Kotsoyev (-100 kq) Paris 2024 Yay Olimpiya Oyunlarında qızıl medal qazanıblar. Bu nəticə ilə komandamız Yaponiya komandasından (3 qızıl, 1 gümüş, 3 bürünc) sonra cüdo yarışlarını ümumi hesabda və kişilər arasında ikinci yerdə başa vuraraq tarixi nəticəyə nail olublar.
