Paris-2024: 48 idmançımızdan 25-i olimpiadada medallar uğrunda mübarizəni başa vurdu
Olimpizm xəbərləri
04.08.2024, 20:10
Fransanın paytaxtı Parisdə keçirilən XXXIII Yay Olimpiya Oyunlarının daha bir yarış günü Azərbaycan idmançıları üçün arxada qaldı.
Komandamız bu gün üç idman növündə - atıcılıq, atletika və boks yarışlarında 3 idmançı ilə mübarizə apardı. Təmsilçilərimizdən mübarizəyə ilk olaraq atçımız Ruslan Lunyov başladı. 25 m məsafədən pnevmatik tapança ilə atəşaçma yarışında mübarizə aparan idmançımız təsnifat mərhələsinin birinci raundunda 300 mümkün xaldan 289, ikinci mərhələdə isə 291 xal toplayıb. Beləliklə, iki mərhələnin yekunlarına görə ümumilikdə 580 xal toplayan atıcımız 29 iştirakçı arasında 18-ci olub və finala vəsiqə qazana bilməyib.
R.Lunyov Paris-2024-də daha əvvəl pnevmatik tapançadan 10 metr məsafəyə atəşaçma yarışlarında 571 xal toplayaraq 33 iştirakçı arasında 24-cü olmuşdu.
Bu gün atletimiz Anna Skidan üçün də əlamətdar olub. Çəkicatma növündə çıxış edən 32 yaşlı təmsilçimiz təsnifat mərhələsinə A qrupundan başlayıb. Dünya reytinqinin 7-ci pilləsində qərarlaşan idmançımızın ilk cəhdi 69,58, ikinci cəhdi isə 69,04 metr olub. Anna Skidan üçüncü cəhdində isə 72,55 m nəticə göstərib. Bu nəticə ilə Anna A və B qruplarının yekununda 32 atlet arasında 6-cı yeri tutub. Beləliklə, atletimiz Paris-2024-ün final mərhələsinə vəsiqə qazanıb. Qeyd edək ki, qadınların çəkicatma yarışlarında qaliblər avqustun 6-da müəyyənləşəcək.
Günün növbəti sevindirici xəbəri isə boksçumuz Alfonso Dominqesdən gəldi. 92 kq çəkidə mübarizə aparan dəri əlcək ustamız yarımfinalda ispaniyalı Enmanuel Reyes Pla ilə qarşılaşıb. Görüş idmançımızın qələbəsi ilə başa çatıb -4:1 (28:29, 29:28, 29:28, 29:28, 30:27). Bununla da idmançımız Paris-2024-də ardıcıl üçüncü qələbəsini qazanaraq finala vəsiqə əldə edib. Həlledici görüş avqustun 9-da təşkil olunacaq.
Xatırladaq ki, boksçumuz 1/8 finalda Xulio Sesar la Krusa (Kuba), 1/4 finalda isə Aybek Oralbaya (Qazaxıstan) qalib gəlib.
Bununla da Tokio-2020-də bürünc medal qazanan Alfonso Dominqes Azərbaycan idman tarixinə iki Olimpiya medalı qazanan ilk boksçu kimi düşüb.
Beləliklə, 15 idman növü üzrə 48 idmançı ilə Parisə yollanan komandamızın 29 üzvü artıq yarışlarda iştirak edib. Onlardan da 25-i çıxışını medalsız başa vurub.
Təmsilçilərimizdən Hidayət Heydərov (-73 kq) və Zelim Kotsoyev (-100 kq) cüdo yarışlarında qızıl medal qazanaraq Azərbaycan himnini səsləndiriblər. Boksçumuz Alfonso Dominqes və Anna Skidan isə olimpiadada mübarizəsini davam etdirir.
Dəri əlcək ustamız finala yüksəlməklə ən azı gümüş medalı təmin edib.
Aktivində 2 qızıl medalı olan komandamız hazırda medal siyahısının 19-cu pilləsində qərarlaşıb.
Sabah komandamızın növbəti əsas medal ümidlərindən sayılan güləşçilərimiz mübarizəyə başlayacaqlar. Xalça üzərinə ilk olaraq yunan-Roma güləşçiləri çıxacaq. Güləş yarışlarının ilk günündə Murad Məmmədov (60 kq) və Sabah Şəriəti (130) qüvvəsini sınayacaq. Murad Məmmədov 1/8 finalda ekvadorlu Raiber Joze Rodriges Orosko ilə, Sabah Şəriəti isə estoniyalı Helki Nabi ilə qaşılaşacaq.
Olimpiadanın növbəti yarış günlərində güləşçilərimizlə yanaşı, bədi gimnastika və qrup hərəkətləri komandamız, habelə taekvondoçumuz da mübarizəyə start verəcək.
Qeyd edək ki, Paris-2024 Yay Olimpiya Oyunlarına avqustun 11-də yekun vurulacaq.
Dİgər xəbərlər
SON XƏBƏRLƏR
-
Bu gün Azərbaycanda Milli Dirçəliş Günüdür
Bugün, 09:33 Gündəm
-
Birinci vitse-prezident Mehriban Əliyeva sosial media hesabında Milli Dirçəliş Günü ilə bağlı paylaşım edib
Bugün, 08:20 Gündəm
-
Prezidentin sosial şəbəkə hesablarında Milli Dirçəliş Günü ilə bağlı paylaşım edilib
Bugün, 00:35 Gündəm
-
Elnur Amanov: "Qazandığımız gümüş medal da yüksək nəticədir"
15.11.2026, 04:45 Olimpiya oyunları
-
Adil Kazımlı: “Zəfər günündə medal qazandığım üçün çox xoşbəxtəm"
15.11.2026, 04:39 Olimpiya oyunları
-
Gülər Hüseynova: "Qazandığım gümüş medal gələcək uğurlarıma təkan verəcək"
15.11.2026, 04:31 Olimpiya oyunları
-
Anar Bağırov: “Belə çətin şəraitdə və çətin yarışlarda 6 medal qazanmaq böyük nailiyyətdir”
15.11.2026, 04:25 Olimpiya oyunları
-
Yeniyetmələrin IV Yay Olimpiya Oyunlarında iştirak edən Azərbaycan komandasının nümayəndə heyəti Vətənə qayıdıb
15.11.2026, 03:40 Olimpiya oyunları
-
Tapdıq Əlibəylinin 65 illik yubileyinə həsr olunan kitabın təqdimatı olub
14.11.2026, 15:06 Gündəm
-
Dakar-2026 Yeniyetmələrin IV Yay Olimpiya Oyunlarının bağlanış mərasimi keçirilib
13.11.2026, 23:32 Olimpiya oyunları
-
Azərbaycan komandası Dakar-2026-nı 6 medalla başa vurub
13.11.2026, 15:00 Olimpiya oyunları
-
Azərbaycan millisi U-23 Avropa çempionatında 7 boksçu ilə mübarizə aparacaq
13.11.2026, 13:30 Boks
-
Bu gün Dakar-2026-nın bağlanış mərasimi keçiriləcək
13.11.2026, 12:09 Olimpiya oyunları
-
UEFA Millətlər Liqası: Azərbaycan yığması bu gün Lixtenşteynlə qarşılaşacaq
13.11.2026, 10:45 Futbol
-
Azərbaycan şahmatçıları Avropa çempionatını üç medalla başa vurublar
13.11.2026, 00:38 Şahmat
-
Qılıncoynadanımız Dakar-2026-nın son günündə mübarizəyə başlayır
12.11.2026, 23:20 Olimpiya oyunları
-
Azərbaycan komandası medal sıralamasında bir pillə irəliləyib
12.11.2026, 23:03 Olimpiya oyunları
-
Gülər Hüseynova: "Boks üzrə qızlar arasında Yeniyetmələrin Yay Olimpiya Oyunlarının ilk medalını qazandım"
12.11.2026, 17:48 Olimpiya oyunları
-
Azərbaycan komandası Avropa çempionatında ikinci yeri tutub
12.11.2026, 17:30 Gündəm
-
Boksçumuz Yeniyetmələrin IV Yay Olimpiya Oyunlarında gümüş medal qazandı
12.11.2026, 16:13 Olimpiya oyunları
-
Dakar-2026: Azərbaycan komandasının bayraqdarları müəyyənləşib
12.11.2026, 13:26 Olimpiya oyunları
-
Azərbaycan konstitusiyası - dövlətçilik tariximizin, suverenliyimizin və milli iradəmizin təcəssümü
12.11.2026, 12:59 Olimpiya dünyası
-
Birinci vitse-prezident Mehriban Əliyeva Konstitusiya Günü ilə bağlı paylaşım edib
12.11.2026, 10:28 Gündəm
-
Prezident İlham Əliyevin sosial şəbəkə hesablarında Konstitusiya Günü ilə bağlı paylaşım edilib
12.11.2026, 02:30 Gündəm
-
Adil Kazımlı: “Əldə etdiyim uğurda əməyi olan hər kəsə minnətdarlığımı bildirirəm”
12.11.2026, 00:10 Olimpiya oyunları
-
Boksçumuz Dakar-2026-da final görüşünə çıxacaq
11.11.2026, 23:23 Olimpiya oyunları
-
Dakar-2026: Azərbaycan komandası medal siyahısının 12-ci pilləsində qərarlaşır
11.11.2026, 23:09 Olimpiya oyunları
-
Azərbaycan taekvondoçusu Dakar-2026-da gümüş medal qazandı
11.11.2026, 21:56 Olimpiya oyunları
-
Taekvondoçumuz Dakar-2026-nın finalında
11.11.2026, 20:24 Olimpiya oyunları
-
Bakıda cüdo üzrə Avropa çempionatının açılış mərasimi keçirilib
11.11.2026, 18:24 Cüdo
-
Dakar-2026: Taekvondoçumuz finalın bir addımlığında
11.11.2026, 17:00 Olimpiya oyunları
-
Dakar-2026: Boksçumuz finala vəsiqə qazandı
11.11.2026, 16:45 Olimpiya oyunları
-
Bu gün iki idmançımız Dakar-2026-da mübarizə aparacaq
10.11.2026, 23:55 Olimpiya oyunları
-
Dakar-2026: Komandamız ilk "onluğ"u tərk etdi
10.11.2026, 23:21 Olimpiya oyunları