Paris-2024 Yay Olimpiya Oyunları çərçivəsində keçirilən güləş yarışları davam edir. Bu gün sərbəst güləş üzrə komandamızın sonuncu üzvü, Avropa və dünya çempionumuz, ikiqat Olimpiya mükafatçımız Hacı Əliyev xalça üzərinə çıxıb. 65 kq çəki dərəcəsində mübarizə aparan idmançımız 1/8 finaldan mübarizəyə başlayıb. Güləşçimizin bu mərhələdəki rəqibi Meksika təmsilçisi Ostin Qomes olub. Görüşü 7:0 hesablı qələbə ilə başa vuran idmançımız 1/4 finala vəsiqə qazanıb. Onun bu mərhələdəki rəqibi macarıstanlı İsmail Musukayev olacaq.
Paris-2024: İkiqat Olimpiya mükafatçımız 1/4 finalda
