71 yaşlı dünya çempionu: “Əsas məqsədimə çatdim”

Müsahibə

22.09.2026, 15:23

Azərbaycan idmanı tarixində daha bir uğurlu nəticə qeydə alınıb. Ağırlıqqaldırma üzrə ölkəmizi beynəlxalq yarışlarda təmsil edən veteran idmançımız Vaqif Müsadiq 71 yaşında dünya çempionu tituluna yiyələnib. Yunanıstanın Afina şəhərində keçirilən veteran idmançılar arasında dünya çempionatında 85 kq çəki dərəcəsində mübarizə aparan təmsilçimiz 147 kq (67 kq +80 kq) nəticə ilə 10 iştirakçı arasında qızıl medal qazanıb. Bu yaş kateqoriyasında fransalı Manuel Espinola 144 kq (64 kq + 80 kq) gümüş, ABŞ idmançısı Corc Pyura isə 137 kq (62 kq + 75 kq) nəticə ilə bürünc medala sahib olub.

Məlumat üçün bildirək ki, Vaqif Müsadiq ötən il Albaniyanın Tirana şəhərində keçirilən Avropa çempionatında 162 kq (72 kq +90 kq) nəticə ilə qitənin ən güclüsü olmuşdu.

Dünya çempionatında qazandığı qələbədən sonra fikirlərini bölüşən çempionumuz bildirib ki, onun əsas məqsədi yalnız medal qazanmaq deyil, eyni zamanda yaşın idmanda uğur qazanmağa mane olmadığını göstərmək olub.

“Əsas məsələ cavanlara örnək olmaqdır. İdmanda heç vaxt mübarizə asan keçmir. Bunun üçün nəyisə qurban verməli olursan. Yaşımın çox olmasına baxmayaraq özümü çox gümrah hiss edirəm. Bir idmançı üçün, qitə və dünya çempionatlarında qalib olmaq əsas şərtdir. Mən bunun öhtəsindən gələ bildim. Ötən il Albaniyada Avropa çempionu olduqdan sonra qarşıma məqsəd qoymuşdum ki, dünya çempionu da olmalıyam. Görünür, insan qarşısına nəyisə məqsəd qoyanda o məqsəd üçün hər şeyi göz önünə alır. Mənim üçün çempionluq və ölkəmizin bayrağını yüksəklərdə dalğalandırmaq böyük şərəfdir. Mən bu şərəfə nail oldum. Yarışa yollanmaq üçün şəxsi avtomobilimi satmışam. Avtomobili hər zaman almaq olar. Amma belə bir yarışda çempion olmaq hər adama nəsib olmur. Təvazökarlıqdan uzaq olsa da qeyd etməliyəm ki, bu Azərbaycan ağırlıqqaldırma tarixində hələ ki, yeganə nəticədir. Məqsədimə çatdım. İnanıram ki, Azərbaycan idmanı bundan sonra da bu cür nəticələrlə zəngin olacaq”, - deyə dünya çempionu qeyd edib.

Qeyd edək ki, 1600-ə qədər veteran idmançının iştirak etdiyi dünya çempionatında Azərbaycan 4 ağırlıqqldıranla təmsil olunur. Təmsilçilərimizdən Vaqif Müsadiqlə yanaşı, M-75 kateqoriyasında Sərdar Quliyev 85 kq çəki dərəcəsində gümüş medala sahib çıxıb. Natiq Ağayev isə M-60 kateqoriyasında 110 kq çəki dərəcəsində altıncı yeri tutub. Digər idmançımız Zülfüqar Süleymanov (M-40, 71 kq) isə sentyabrın 23-də körpücük üzərinə çıxacaq.

Dİgər xəbərlər

$Nihad Süleymanlı: \"Təəssüf ki, bir anlıq səhvə görə qızıl medalı əldən verdim\"$

07.11.2026, 23:56

Nihad Süleymanlı: "Təəssüf ki, bir anlıq səhvə görə qızıl medalı əldən verdim"

$Nicat Şıxəlizadə: \"İnanıram ki, bu nailiyyət gənclər və böyüklər arasında da davam edəcək\"$

03.11.2026, 04:19

Nicat Şıxəlizadə: "İnanıram ki, bu nailiyyət gənclər və böyüklər arasında da davam edəcək"

$İbrahim Talıbov: \"Gələcəkdə əsas hədəfim böyüklər arasında da Olimpiya çempionu olmaqdır\"$

03.11.2026, 03:54

İbrahim Talıbov: "Gələcəkdə əsas hədəfim böyüklər arasında da Olimpiya çempionu olmaqdır"

$Emin İskəndərov: \"İnanıram ki, İbrahim bundan sonra da böyük uğurlar qazanacaq\"$

03.11.2026, 03:50

Emin İskəndərov: "İnanıram ki, İbrahim bundan sonra da böyük uğurlar qazanacaq"

01.11.2026, 21:20

Emin İskəndərov: “İbrahim verdiyi sözə əməl etdi, Yeniyetmələrin Yay Olimpiya Oyunlarının çempionu oldu”

28.10.2026, 11:02

“Ümid edirik ki, Dakardan medallarla qayıdacağıq”

07.09.2026, 15:28

Nicat Abbasov: Olimpiadada uğurlu çıxış üçün bəxt amili də vacibdi - MÜSAHİBƏ

$Firdovsi Umudov: \"Biz təsadüfi uğurlara deyil, sistemli işə köklənmişik”$

27.08.2026, 10:41

Firdovsi Umudov: "Biz təsadüfi uğurlara deyil, sistemli işə köklənmişik”

28.07.2026, 11:40

Rüstəm Orucov: “Azərbaycanın cüdo məktəbi dünyanın ən güclülərindən biridir”

$Hacı Əliyev: \"Hər bir güləşçimizdən uğurlu nəticə gözləyirəm\"$

20.07.2026, 13:36

Hacı Əliyev: "Hər bir güləşçimizdən uğurlu nəticə gözləyirəm"

$Şakir Quliyev: \"Dinləyicilərin sevgisini qazanmaq bizim üçün ən böyük uğur idi\" - MÜSAHİBƏ$

14.07.2026, 11:46

Şakir Quliyev: "Dinləyicilərin sevgisini qazanmaq bizim üçün ən böyük uğur idi" - MÜSAHİBƏ

30.06.2026, 13:39

Atlanta-1996 Olimpiadasının 30 ili təntənəli şəkildə qeyd olunacaq

SON XƏBƏRLƏR

BÜTÜN XƏBƏRLƏR