Bu gün futbol üzrə Azərbaycan yığması UEFA Millətlər Liqasında ilk oyununa çıxacaq.
Fernandu Santuşun baş məşqçisi olduğu komandamız C Liqasının I qrupunda Bakıda İsveç millisi ilə qarşılaşacaq.
Tofiq Bəhramov adına Respublika stadionunda təşkil olunacaq görüş saat 20:00-da start götürəcək. Qarşılaşmanı macarıstanlı FIFA referisi Balaş Berkey idarə edəcək.
Bu qrupunun digər matçında Slovakiya yığması Estoniyanın qonağı olacaq. Oyun saat 22:45-də başlayacaq.
Qeyd edək ki, Azərbaycan millisi sentyabrın 8-də səfərdə Slovakiya ilə qarşılaşacaq. İsveç isə doğma meydanda Estoniyanı sınağa çəkəcək.
