Beynəlxalq Olimpiya Komitəsinin (BOK) prezidentliyinə namizəd kiçik Xuan Antonio Samaranç qurumun yeni rəhbərinin görəcəyi işlərdən danışıb. “Gələcək üçün yol xəritəsi hazırlanıb. Biz həmçinin idman anlayışını yenidən nəzərdən keçirməliyik. Növbəti illərdə qarşıya çıxa biləcək maneələrdən xəbərdar olmalıyıq. Biz BOK-un müstəqilliyini qoruyub saxlamalıyıq", - deyə "Marca" nəşri Samarançın sözlərindən sitat gətirib.
Xatırladaq ki, BOK-un rəhbəri vəzifəsinə namizədlərin genişləndirilmiş siyahısına Samarançdan başqa Sebastyan Ko, Kirsti Koventri, Morinari Vatanabe, David Lapartyan, Yohan Elias və Faysal Əl-Hüseyn daxildir.
