“Böyük Dəbilqə” səviyyəsində təşkil olunan Azərbaycan çempionatı unudulmaz anlarla yadda qaldı
Olimpizm xəbərləri
02.12.2024, 10:32
Ötən həftə sonu təşkil olunan cüdo üzrə Azərbaycan çempionatı gərgin və maraqlı mübarizə ilə yadda qaldı. Noyabrın 29-dan dekabrın 1-dək Gənclər və İdman Nazirliyinin, Azərbaycan Cüdo Federasiyasının təşkilatçılığı, “Azman Holdinq” və “Azercell” şirkətinin dəstəyi ilə Bakı İdman Sarayında keçirilən budəfəki yarış yüksək təşkilatçılıq səviyyəsi baxımından Avropa çempionatı və “Böyük Dəbilqə” turnirlərindən heç də fərqlənmədi. Yarışların keçirildiyi üç gün ərzində arenadakı çoxsaylı azarkeş dəstəyi və tribunalarda boş yerlərin olmaması da bunun bir daha əyanı sübutu idi.
Ümumi mükafat fondunun 50 min manat təşkil etdiyi yarışda paytaxt və bölgələri təmsil edən 60 klubdan 324 (254 kişi, 70 qadın) cüdoçu medallar uğrunda mübarizə apardı. Turnirdə gənc idmançılarla yanaşı, yığma komandanın da əsas üzvləri qüvvələrini sınadılar. Çempionatda yadda qalan daha bir məqam isə Olimpiya mükafatçımız Elmar Qasımovun (-100 kq) iki illik fasilədən sonra yenidən idman karyerasını bərpa edərək, turnirdə iştirak etməsi oldu. 34 yaşlı idmançı arenalara qayıdışını çempionluqla qeyd etdi. Kişilərin mübarizəsində digər çəkilərdə Hüseyn Allahyarov (-60 kq, “Judo Club 2012”), Rəşad Yelkiyev (-66 kq, “Kanokan-TT”), Rəşid Məmmədəliyev (-73 kq, “Atilla”), Zelim Tçkayev (-81 kq, “Neftçi”), Murad Fətiyev (-90 kq, “Judo Club 2012”) və Uşanqi Kokauri (+100 kq, “Neftçi”) Azərbaycan çempionu adını qazandılar. Gərginliyi ilə kişilərin mübarizəsindən heç də geri qalmayan qadınların mübarizəsində isə Leyla Əliyeva (-48 kq, “Neftçi”), Xədicə Qədəşova (-52 kq, “Atilla”), Acelya Toprak (-57 kq, Azərbaycan Cüdo Federasiyası), Fidan Əlizadə (-63 kq, “Judo Club 2012”), Günel Həsənli (-70 kq, “Abşeron Xırdalan”), Nərmin Əmirli (-78 kq, “Umbayev Sport Klub”) və Nigar Süleymanova (+78 kq,”Neftçi”) bütün rəqiblərinə qalib gələrək, qızıl medallara layiq görüldü. Fərdi yarışların son nəticəsinə görə, ümumi komanda hesabında medalların sayına görə 4 qızıl, 5 gümüş və 5 bürünc medalla”Neftçi” İdman Klubu birinci yerə sahib çıxdı. 3 qızıl, 2 gümüş və 5 bürünc medalla “Atilla” İdman Klubu ikinci, 3 qızıl, 1 gümüş və 3 bürünc medal qazanan “Judo Club 2012” isə üçüncü yerə layiq görüldü. Yarışda 18 komanda müxtəlif əyarlı medal qazandı. Turnirin sonuncu günündə isə Azərbaycan çempionatının komanda yarışları keçirildi. Yarışda qadınlar arasında 7 komanda, kişilər arasında isə 9 komanda kubok uğrunda mübarizə apardı. Qadınların yarışında -52 kq, -57 kq, -63 kq, -70 kq və +70 kq çəkilərdə, kişilərin mübarizəsində isə -66 kq, -73 kq, -81 kq, -90 kq və +90 kq çəki dərəcələrində ümumilikdə 104 cüdoçu gücünü sınadı. Yarışda komandalar uyğun olaraq qadınlar və kişilər arasında 2 fərqli qrupa bölündü. Hər qrup daxilində komandalar bir-biri ilə qarşılaşdı. Qrup mərhələsində əldə edilən nəticələrə əsasən, müəyyən yerləri tutan kollektivlər yarımfinal və təsəlli mərhələdə mübarizəni davam etdirdi. Qadınlar arasında bürünc medal uğrunda görüşlərdə “Neftçi” İdman Klubu (2) 3:0 hesabı ilə “Umbayev Sport Klub”a, “Judo Club 2012” 3:1 hesabı ilə “Azəri-Cüdo İdman Klubu”na qalib gəldi. Final görüşü “Neftçi” İdman Klubu (1) ilə Şuşa UGİM arasında keçirildi. “Neftçi” İdman Klubu (1) 3:1 hesabı ilə qalib gələrək, qadınlar arasında komanda yarışlarının kubokunu və qızıl medallarını qazandı. Kişilər arasında bürünc medal uğrunda görüşlərdə “Neftçi İdman Klubu”nun 1-ci komandası 3:0 hesabı ilə klubunun 2-ci komandasına, “Kanokan” TT İdman Klubu isə 3:1 hesabı ilə “Sərhədçi” İdman Mərkəzinə qalib gəldi. Final görüşü “Judo Club 2012” ilə “Atilla” İdman Klubu arasında keçirildi. “Judo Club 2012” 3:2 hesabı ilə qalib gələrək kişilər arasında komanda yarışlarının kubokunu və qızıl medallarını qazandı. Qalib komandalara mükafatları gənclər və idman naziri Fərid Qayıbov, gənclər və idman nazirinin müavini Mariana Vasileva, Nazirliyin İdman şöbəsinin müdiri Elnur Məmmədov, Azərbaycan Cüdo Federasiyası (ACF) İcraiyyə Komitəsinin üzvü, Azərbaycan Cüdo Veteranları Assosiasiyasının prezidenti Azər Əsgərov, ACF-in vitse-prezidenti Elnur Məmmədli və icraçı vitse-prezidenti Rəşad Rəsullu təqdim etdi. Turnirin keçirildiyi günlərdə həmçinin yubileylərini qeyd edən cüdo mütəxəssisləri - Fərhad Rəcəbli, Mövlud Mirəliyev, Natiq Bağırov, Əli Dəvrişov, Ruzbeh Vəliyev, Faiq Ağayev və Sevda Qarayeva mükafatlandırılıdılar. Bundan başqa həmçinin “Cüdo Klub 2012” İctimai Birliyinin sədri və klubun təsisçisi, usta cüdoçular arasında dünya və Avropa çempionatlarının dəfələrlə qalibi və mükafatçısı Azər Əsgərova Beynəlxalq Cüdo Federasiyası tərəfindən 6-cı dan, ağ-qırmızı kəmər və sertifikatı təqdim olundu. Yarışın sonuncu günündə isə federasiya rəhbərliyi tərəfindən bir neçə idmançıya dan sertifikatı, ölkəmizdə cüdo idman növünün inkişafına verdiyi dəstəyə görə isə “Azercell” və “Azman Holdinq” şirkətinə, habelə “Qədiroğlu” idman klubuna təşəkkürnamə verildi. Turnirin keçirildiyi günlərdə həmçinin Paris-2024 Yay Olimpiya Oyunlarının çempionları Hidayət Heydərov (-73 kq) və Zelim Kotsoyev (-100 kq) azarkeşləri ilə görüşdü. Olimpiya çempionları imzalı şəkillərini sevənləri ilə bölüşərək, onlarla xatirə fotosu çəkdirdilər. Təşkilatçılıq baxımından yüksək səviyyədə keçirilən ölkə çempionatı Bakı İdman Sarayını əsil mübarizə meydanına çevirdi. Həmin arenaya toplaşanlar və bu yarışı izləyənlər hələ uzun müddət budəfəki Azərbaycan çempionatını xatırlayacaqlar.
Azər Əlizadə
Dİgər xəbərlər
SON XƏBƏRLƏR
-
Azərbaycan ilk dəfə basketbol üzrə Avropa çempionatına ev sahibliyi edəcək
21.11.2026, 20:28 Gündəm
-
İlham Zəkiyev Qran-pridə bürünc medal qazanıb
21.11.2026, 20:20 Cüdo
-
Azərbaycanın güləş millisi Gürcüstanda çempion olub
20.11.2026, 14:46 Güləş
-
Parataekvondoçumuz dünya çempionatında qızıl medal qazanıb
20.11.2026, 13:08 Taekvondo
-
Jurnalistlərin öz hesablarındakı paylaşımların bəyənmə sayı da əsas götürüləcək
20.11.2026, 12:38 Gündəm
-
Prezident İlham Əliyevin Qazax rayonunun idman obyektlərinə səfərləri və idmanın inkişafına göstərdiyi diqqət
20.11.2026, 12:09 Olimpizm xəbərləri
-
U-20 millimiz növbəti yoldaşlıq oyununu keçirəcək
20.11.2026, 11:20 Futbol
-
Bakıda Xüsusi Olimpiya Avropa badminton turnirinin açılış mərasimi keçirilib
19.11.2026, 22:52 Olimpiya dünyası
-
Azərbaycan Üzgüçülük Federasiyasının baş katibi “USA Swimming” CEO-su ilə görüşüb
19.11.2026, 18:30 Su idman növləri
-
Yenidənqurmadan sonra Xankəndi stadionunda ilk rəsmi oyun keçirilib
19.11.2026, 18:16 Futbol
-
Bu gün Azərbaycanda Milli Dirçəliş Günüdür
17.11.2026, 09:33 Gündəm
-
Birinci vitse-prezident Mehriban Əliyeva sosial media hesabında Milli Dirçəliş Günü ilə bağlı paylaşım edib
17.11.2026, 08:20 Gündəm
-
Prezidentin sosial şəbəkə hesablarında Milli Dirçəliş Günü ilə bağlı paylaşım edilib
17.11.2026, 00:35 Gündəm
-
Elnur Amanov: "Qazandığımız gümüş medal da yüksək nəticədir"
15.11.2026, 04:45 Olimpiya oyunları
-
Adil Kazımlı: “Zəfər günündə medal qazandığım üçün çox xoşbəxtəm"
15.11.2026, 04:39 Olimpiya oyunları
-
Gülər Hüseynova: "Qazandığım gümüş medal gələcək uğurlarıma təkan verəcək"
15.11.2026, 04:31 Olimpiya oyunları
-
Anar Bağırov: “Belə çətin şəraitdə və çətin yarışlarda 6 medal qazanmaq böyük nailiyyətdir”
15.11.2026, 04:25 Olimpiya oyunları
-
Yeniyetmələrin IV Yay Olimpiya Oyunlarında iştirak edən Azərbaycan komandasının nümayəndə heyəti Vətənə qayıdıb
15.11.2026, 03:40 Olimpiya oyunları
-
Tapdıq Əlibəylinin 65 illik yubileyinə həsr olunan kitabın təqdimatı olub
14.11.2026, 15:06 Gündəm
-
Dakar-2026 Yeniyetmələrin IV Yay Olimpiya Oyunlarının bağlanış mərasimi keçirilib
13.11.2026, 23:32 Olimpiya oyunları
-
Azərbaycan komandası Dakar-2026-nı 6 medalla başa vurub
13.11.2026, 15:00 Olimpiya oyunları
-
Azərbaycan millisi U-23 Avropa çempionatında 7 boksçu ilə mübarizə aparacaq
13.11.2026, 13:30 Boks
-
Bu gün Dakar-2026-nın bağlanış mərasimi keçiriləcək
13.11.2026, 12:09 Olimpiya oyunları
-
UEFA Millətlər Liqası: Azərbaycan yığması bu gün Lixtenşteynlə qarşılaşacaq
13.11.2026, 10:45 Futbol
-
Azərbaycan şahmatçıları Avropa çempionatını üç medalla başa vurublar
13.11.2026, 00:38 Şahmat
-
Qılıncoynadanımız Dakar-2026-nın son günündə mübarizəyə başlayır
12.11.2026, 23:20 Olimpiya oyunları
-
Azərbaycan komandası medal sıralamasında bir pillə irəliləyib
12.11.2026, 23:03 Olimpiya oyunları
-
Gülər Hüseynova: "Boks üzrə qızlar arasında Yeniyetmələrin Yay Olimpiya Oyunlarının ilk medalını qazandım"
12.11.2026, 17:48 Olimpiya oyunları
-
Azərbaycan komandası Avropa çempionatında ikinci yeri tutub
12.11.2026, 17:30 Gündəm
-
Boksçumuz Yeniyetmələrin IV Yay Olimpiya Oyunlarında gümüş medal qazandı
12.11.2026, 16:13 Olimpiya oyunları
-
Dakar-2026: Azərbaycan komandasının bayraqdarları müəyyənləşib
12.11.2026, 13:26 Olimpiya oyunları
-
Azərbaycan konstitusiyası - dövlətçilik tariximizin, suverenliyimizin və milli iradəmizin təcəssümü
12.11.2026, 12:59 Olimpiya dünyası
-
Birinci vitse-prezident Mehriban Əliyeva Konstitusiya Günü ilə bağlı paylaşım edib
12.11.2026, 10:28 Gündəm
-
Prezident İlham Əliyevin sosial şəbəkə hesablarında Konstitusiya Günü ilə bağlı paylaşım edilib
12.11.2026, 02:30 Gündəm