Serbiyanın paytaxtı Belqradda keçirilən boks üzrə beynəlxalq turnirə yekun vurulub. Azərbaycan Boks Federasiyasının mətbuat xidmətindən verilən məlumata görə, yarışa 6 idmançı ilə yollanan millimizin hər bir üzvü fəxri kürsüdə yer alıb.
Yığmanın heyətində Anaxanım İsmayılova (48 kq) qızıl medala layiq görülüb. Aynur Rzayeva (+81 kq) gümüş, Marjona Savriyeva (50 kq), Zeynəb Rəhimova (54 kq), Aynur Mikayılova (57 kq) və Emili Rzayeva (70 kq) bürünc medala sahib çıxıb.
