Monteneqronun Petrovaç şəhərində 20 yaşadək şahmatçılar arasında dünya çempionatında birinci turun partiyaları oynanılıb.
Azərbaycan Şahmat Federasiyasının mətbuat xidmətindən verilən məlumata görə, Azərbaycan şahmatçılarından Xəzər Babazadə, Şiroğlan Talıbov, Ayan Allahverdiyeva və Nərmin Abdinova ilk turda qələbə qazanıb. Digər zəka sahibimiz Lalə Hüseynova isə birinci turu məğlubiyyətlə başa vurub.
Qeyd edək ki, 61 ölkədən 263 şahmatçının iştirak etdiyi yarış 11 turdan ibarətdir.
