"Bayer"in baş məşqçisi Xabi Alonso bu gün Çempionlar Liqasının 1/8 final mərhələsi çərçivəsində "Bavariya" ilə keçiriləcək ilk oyunu haqda danışıb. "Biz yaxşı formadayıq. Onu da başa düşürük ki, Çempionlar Liqası və Bundesliqa tamamilə fərqlidir. Çempionlar Liqasında sona qədər mübarizə aparmasan, kənarda qala bilərsən. Hər şey bir göz qırpımında baş verir", - deyə ispaniyalı baş məşqçi vurğulayıb.
Qeyd edək ki, həmin görüş bu gün Bakı vaxtilə 00:00-da start götürəcək. Cavab oyunu martın 11-də Leverkuzen klubunun arenasında keçiriləcək.
