Bakıda keçiriləcək minifutbol üzrə dünya çempionatının püşkü atılıb

BOK

12.03.2025, 19:30

Bu il Azərbaycanda təşkil olunacaq minifutbol üzrə dünya çempionatının püşkatma mərasimi keçirilib. Tədbir Azərbaycan Respublikasının Dövlət Himninin səsləndirilməsi ilə başlayıb. Ardınca mundialın tanıtım videoçarxı və kuboku, eləcə də maskotu Maralzadə ictimaiyyətə təqdim olunub. Dünya Minifutbol Federasiyanın (WMF) prezidenti Filip Juda dünya çempionatına ev sahibliyinə görə Azərbaycana təşəkkür edib. O, mundialın yüksək səviyyədə keçiriləcəyinə inamını ifadə edib. Azərbaycanda son illər nüfuzlu beynəlxalq yarışların təşkil edildiyini xatırladan gənclər və idman naziri Fərid Qayıbov Bakının minifutbol üzrə dünya çempionatına da uğurla ev sahibliyi edəcəyini vurğulayıb. AFFA-nın prezidenti Rövşən Nəcəf belə bir turnirin Azərbaycanda keçirilməsinin böyük idman hadisəsi olduğunu bildirib. Azərbaycan Minifutbol Federasiyanın prezidenti Orxan Məmmədov dünya çempionatı kimi yarışa ev sahibliyi etməyin qürurverici olduğunu söyləyib. O, qeyd edib ki, bu, təkcə bir idman yarışı deyil, həm də xalqları birləşdirən hadisədir. O.Məmmədov sonda mundiala ev sahibliyini Azərbaycana həvalə edən Dünya Minifutbol Federasiyana təşəkkürünü bildirib. Turnir mayın 21-dən iyunun 1-dək Bakıda keçiriləcək. Qeyd edək ki, Dünya Minifutbol Federasiyası tərəfindən beşinci dəfə təşkil ediləcək mundialın son qalibi Rumıniya yığması olub. Çıxışlardan sonra 2015-ci ildən keçirilmiş minifutbol üzrə dünya çempionatının tarixindən bəhs edən video göstərilib. Ardınca “Qarabağ”ın baş məşqçisi Qurban Qurbanov, “Zirə”nin baş məşqçisi Rəşad Sadıqov, Azərbaycan minifutbol millisinin sabiq üzvü, Avropa çempionu Seymur Məmmədov və Portuqaliya futbolunun əfsanəsi Luiş Naninin iştirakı ilə püşkatma mərasimi keçirilib və qrupların tərkibi müəyyənləşib. Elşad Quliyevin baş məşqçi olduğu yığmamız Mavritaniya, Sloveniya və Bəhreyn komandaları ilə birlikdə A qrupunda mübarizə aparacaq.

A qrupu: Azərbaycan, Mavritaniya, Sloveniya, Bəhreyn B qrupu: Rumıniya, Fransa, Çad, Özbəkistan C qrupu: Macarıstan, Ukrayna, İngiltərə, Türkiyə D qrupu: Slovakiya, Bolqarıstan, Portuqaliya, Hindistan E qrupu: Meksika, Monteneqro, Tailand, Kosta Rika F qrupu: Qazaxıstan, ABŞ, Bosniya və Herseqovina, Polşa G qrupu: Çexiya, Gürcüstan, Birləşmiş Ərəb Əmirlikləri, Argentina H qrupu: Serbiya, Qana, İspaniya, İsrail

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR