BOK Comcast NBC Universal televizya şirkəti ilə müqavilənin uzadılmasını elan edib

Olimpizm xəbərləri

14.03.2025, 14:35

Martın 13-də Beynəlxalq Olimpiya Komitəsi (BOK) Comcast NBC Universal televiziya şirkəti ilə 3 milyard dollarlıq (2,8 milyard avro) müqavilənin daha dörd il uzadılmasını elan edib.

Olimpiya Hərəkatının uzunmüddətli maliyyə sabitliyinə mühüm töhfə olan müqavilə yalnız 2036-cı ilə qədər Olimpiya Oyunları dövründə Amerika Birləşmiş Ştatlarının bütün platformalarında media hüquqlarını deyil, həm də yenilikçi birgə strateji təşəbbüsləri və layihələri əhatə edir.

İmzalanmanın detallarında Olimpiya Oyunlarına dəstək olmaq üçün Comcastın texnoloji infrastruktur, əlaqə və media təcrübəsindən istifadə, Olimpiya Oyunlarının keçirildiyi yerdə Olimpiya yayım xidmətlərinin canlı televiziya yayımına dəstəyi, Olimpiya video pleyerinin istehsalında Olimpiya yayım xidmətlərinin dəstəyi, ABŞ-da rəqəmsal reklam imkanları əməkdaşlığı, BOK Comcastın aktual və yenilikçi startaplara yatırımından faydalanması, NBC Universalda 2036-cı ilə qədər Olimpiya Oyunları ilə əlaqədar ABŞ-dakı bütün platformalarda Media Hüquqları müqaviləsinin uzadılması məsələləri yer alıb.

BOK prezidenti Tomas Bax bununla bağlı danışarkən qeyd edib ki, bu əməkdaşlıq Olimpiya Oyunlarında maraqlı tərəflərin, təşkilat komitələrinin və azarkeşlərin xeyrinə ortaqlığı yeni zirvələrə qaldıra biləcək. “Media mənzərəsi sürətlə inkişaf edir və dünyanın aparıcı media və texnologiya şirkətlərindən biri ilə əməkdaşlıq edərək, ABŞ-dakı azarkeşlərin olimpiadaları əvvəllər olmadığı kimi görə biləcəyinə zəmanət veririk”, - deyə Tomas Bax bildirib.

Comcast İdarə Heyətinin sədri və baş icraçı direktoru Bryan Roberts isə qeyd edib ki, BOK və onun maraqlı tərəflərinə idmançılara və Olimpiya Oyunlarının təşkilinə həsr olunmuş bir çox insana fayda verən sahələrdə daha innovativ texnoloji dəstək və həllər təqdim etməyə başlamaq şərəfdir.

ABŞ Olimpiya və Paralimpiya Komitəsinin prezidenti Gene Sykes 2026-cı ildə Milano Kortinoda keçiriləcək Qış Olimpiya Oyunlarının həm idmançılar, həm də azarkeşlər üçün unudulmaz bir təcrübə təmin edəcək yenilikçi texnologiyalardan və paylaşımlardan istifadə etməkdən məmnunluq duyduğunu qeyd edib.

Qeyd edək ki, Comcast NBC Universal, Olimpiya Oyunları və Olimpiya Hərəkatı ilə əlaqəli zəngin tarixə malikdir. 1964-cü ildə Tokiodan başlayaraq NBC Universal, ABŞ-ın digər media şirkətlərindən daha çox, ardıcıl olaraq 19 Olimpiya və 13 buraxılış təqdim edib. Yeni əməkdaşlığa görə 2036-cı ildə Yay Olimpiya Oyunları başa çatdıqdan sonra NBC Universal 25 Olimpiya və 19 ardıcıl buraxılış təqdim edəcək. Comcast eyni zamanda 2017-ci ildən bəri Team USA-nın rəsmi tərəfdaşı olan ABŞ Olimpiya və Paralimpiya Hərəkatının əsas sponsorudur.

Müqaviləni təsdiqləyən BOK-un İcraiyyə Komitəsi martın 20-də seçiləcək növbəti BOK Prezidentinə 2025-ci ilin iyununda vəzifəyə gəldikdən sonra müqaviləni imzalamağa icazə verib.

Dİgər xəbərlər

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

16.02.2026, 17:56

Niderlandlı idmançılar ilk iki yeri əldən vermədilər

SON XƏBƏRLƏR

BÜTÜN XƏBƏRLƏR